Gujarati News

Gujarati News

News of Monday, 8th March 2021

મુંબઈ, ગોવા, રાજસ્‍થાન, દુબઈથી ફરીને આવેલા ૧૯ લોકોને કોરોના

ગૃહીણીઓ, વિદ્યાર્થીઓમાં સંક્રમણ વધતા સાવચેતી રહેવા અપીલ

સુરતઃ રાંદેર, અઠવા ઝોનમાં વધી રહેલા કોરોનાના કેસો વચ્‍ચે આ બન્‍ને ઝોનમાં દુબઇ, મુંબઇ, રાજસ્‍થાન, ગોવા સહિત વિવિધ રાજયોમાંથી પરત સુરત ફરેલા ૧૯ વ્‍યકિતઓના કોરોના રિપોર્ટ પોઝિટિવ આવ્‍યા છે.

દુબઇથી ફરીને આવનારા ૩, મુંબઇથી આવનારા ૩, રાજસ્‍થાનથી બે, ગોવા, વડોદરા અને સારંગપુર થી એક એક મળીને કુલ ૧૧ વ્‍યકિતઓ કોરોના પોઝીટીવ આવ્‍યા છે. જયારે રાંદેર ઝોનમાં અમદવાદથી આવનાર ૨ વ્‍યકિત તેમજ મુંબઇ, સુરેન્‍દ્રનગર, ગીર સોમનાથ, ભરૂચ, ડાકોર, વડોદરાથી આવનાર એક એક વ્‍યકિત મળીને આઠ વ્‍યકિત કોરોના પોઝીટીવ આવ્‍યા છે.

બહારગામથી શહેરમાં પરત ફરનારા લોકો કોરોનાની ગાઇડ લાઇનનું પાલન ન કરી કોરોનાને હળવાશથી લેતા હોવાનું ધ્‍યાને આવ્‍યુ છે. તેથી તકેદારી રાખવા ફરી તાકીદ કરાઇ છે. મહિલા, ગૃહિણી અને વિદ્યાર્થીનીઓમાં સંક્રમણ વધતા પરિવારોને સાવચેત રહેવા તાકીદ કરવામાં આવી છે.

એકબાજુ પ્રવાસી નાગરિકો એટલેકે બહાર ગામથી ફરીને આવનારા લોકોમાં કોરોનાનું પ્રમાણ વધી રહ્યુ છે. તો બીજી બાજુ શહેરમાં કોલેજો, કોંચીંગ કલાસીસમાં શૈક્ષણિક કાર્ય શરૂ થયું છે. જેમાં મહિલાઓ, ગળહિણીઓમાં અને વિદ્યાર્થીનીઓમાં પોઝીટીવ કેસોનું પ્રમાણ વધુ જોવા મળી રહ્યુ છે. જે પરિવારના બાળકો શાળા કોલેજ કે કોંચીગ કલાસીસ જતા હોય છે. તેથી આવા પરિવારોને સાવચેતી રાખવા અપીલ કરાઇ છે.

(1:37 pm IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11 વાગ્યા સુધીમાં કોરોનાના નવા 18, 433 કેસ નોંધાયા :કુલ કેસની સંખ્યા 1,12,29,054 થઇ :એક્ટિવ કેસ 1,85,932 થયા વધુ 14,051 દર્દીઓ સ્વસ્થ થતા કુલ 1,08,80,628 થયા :વધુ 86 લોકોના મોત સાથે કુલ મૃત્યુઆંક 1,57,879 થયા: દેશમાં સૌથી વધુ મહારાષ્ટ્રમાં નવા 11.141 નવા કેસ નોંધાયા access_time 12:05 am IST

  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • ૩ હજાર કેન્દ્રોમાં રસી ઉપલબ્ધ : આરોગ્ય પ્રધાને સોમવારથી ૩૦૦૦ કેન્દ્રોમાં રસી ઉપલબ્ધ કરાવવા અધિકારીઓને સૂચના આપી હોવાનું એક નિવેદનમાં કહેવાયું છે. access_time 3:01 pm IST