Gujarati News

દરમ્યાન નરેશનું ઉમરપાડા બદલી થતાં તેઓ પરિવાર સાથે બારડોલીની બી.કે. પાર્ક સોસાયટી ખાતે રહેવા આવી ગયા હતા. ગત 7મી મે 2021ના રોજ પાર્વતિ તેના પતિ નરેશ સાથે પલસાણાથી દીકરાનું પરિણામ લઈ ઘરે પરત ફરી રહી હતી ત્યારે બી.કે.પાર્ક સોસાયટીના ગેટ પાસે જ ગંગા આવી પહોંચી હતી અને તેમની બાઇક રોકી નરેશ તેમજ તેની પત્ની સાથે ગાળાગાળી કરી જાતિ વિષયક અપમાન કર્યું હતું. કોનાર્ક શર્મા પણ ત્યાં આવી ગયો હતો અને ધમકી આપી બંને જણા નાસી છૂટ્યા હતા.
બીજા દિવસે 28મી મે 2021ના રોજ સાંજે પણ ગંગા અને તેનો પતિ નરેશના ઘરે પહોંચ્યા હતા. નરેશ અને પાર્વતિ બજાર ગયા હોય ઘરે તેમના બંને દીકરા હાજર હતા. જે પૈકી એકે ફોન કરી હકીકત જણાવતા પાર્વતિ પોલીસને લઈને ઘરે પહોંચી હતી અને પોલીસ ગંગા અને તેના પતિને પોલીસ સ્ટેશન લઈ આવી હતી. જ્યાં સમાધાનના પ્રયાસો નિષ્ફળ નીવડ્યા હતા.
સમગ્ર ઘટના અંગે નરેશની પત્ની પાર્વતિબેને બારડોલી પોલીસ મથકમાં ગંગા કોનાર્ક શર્મા અને પતિ કોનાર્ક શર્મા વિરુદ્ધ અનુસુચિત જાતિ જનજાતિ એક્ટ હેઠળ ફરિયાદ કરતાં કેસની તપાસ એસસીએસટી સેલના ડીવાયએસપી ભાર્ગવ પંડ્યા કરી રહ્યા છે. પોલીસે પાર્વતિ અને કોનાર્કની ધરપકડ કરી આગળની તપાસ હાથ ધરી છે. બીજી તરફ પાર્વતિએ પોલીસકર્મી નરેશ વિરુદ્ધ પણ પલસાણા પોલીસસ્ટેશનમાં ફરિયાદ નોંધાવી હતી. જે એફઆઇઆર રદ્દ કરવા માટે નરેશે હાઇકોર્ટમાં અરજી કરી હોવાનું જાણવા મળે છે.