Gujarati News

Gujarati News

News of Saturday, 6th March 2021

બિનખેતી તરફ દોટ : બે વર્ષમાં ૩૦.૨૮ કરોડ જમીન બિનખેતી : સરકારને ૨૦૫૪ કરોડ મળ્યા

(અશ્વિન વ્યાસ દ્વારા) ગાંધીનગર તા. ૬ : રાજ્યમાં બે વર્ષમાં ૩૦ જિલ્લાઓમાં ૫૬,૫૬૬ અરજીઓમાં ૫૭ કરોડ ૭૩ લાખ ૨૧ હજાર ૨૭૮ ચો.મી.માં બિનખેતી માટે માંગણી કરવામાં આવી. તે અન્વયે વર્ષ ૨૦૧૯માં ૧૬ કરોડ ૮૦ લાખ ૭૧ હજાર ૮૮૭ અને વર્ષ ૧૩ કરોડ ૪૭ લાખ ૪૭ હજાર ૪૧૯ ચો.મી.માં બિનખેતી પરવાનગી આપવામાં આવી. આમ, બે વર્ષ ૩૦ કરોડ ૨૮ લાખ ૧૯ હજાર ૩૦૬ ચો.મી.માં બિનખેતીની પરવાનગી આપવામાં આવી. બિનખેતીની પરવાનગી અન્વયે રાજ્ય સરકારને વર્ષ ૨૦૧૯માં ૧૧૫૫ કરોડ ૩૩ લાખ ૧૧ હજાર ૧૮૩ રૂપિયા અને વર્ષ ૨૦૨૦માં ૮૯૮ કરોડ ૯૫ લાખ ૬૮ હજાર ૩૧૧ રૂપિયાની મળીને કુલ ૨૦૫૪ કરોડ ૨૮ લાખ ૭૯ હજાર ૪૯૪ રૂપિયાની આવક થઇ છે તેવી માહિતી સરકારે વિધાનસભામાં આપી હતી.

(1:18 pm IST)
  • દેશમાં કોરોનાએ ફરી ફૂફાડો માર્યો : છેલ્લા ૧૦ દિવસમાં ૧૧ રાજ્યના ૩૪ જિલ્લામાં કોરોનાના કેસ નોંધાવાની ઝડપ બમણી : મહારાષ્ટ્રના ૬, પંજાબના પાંચ, ગુજરાતના ૪ અને મધ્યપ્રદેશના ૩ જિલ્લામાં સ્થિતિ વણસી:કેરળ અને મહારાષ્ટ્ર બાદ હવે પંજાબમાં પણ રોજના ૧૦૦૦થી વધુ કોરોનાના નવા કેસ નોંધાઈ રહ્યા છે access_time 12:50 am IST

  • ઇડીએ મેસર્સ શિનાગો પ્લાન્ટેશન પ્રા. લી. ના ડિરેક્ટર, હિતેશ પટેલ અને સુરેશ એન પટેલની પીએમએલએ હેઠળ રૂ. 325 કરોડના મની લોન્ડરિંગ કેસમાં ધરપકડ કરી છે. access_time 6:04 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11:30 વાગ્યા સુધીમાં કોરોનાના નવા 18, 684 કેસ નોંધાયા :કુલ કેસની સંખ્યા 1,12,10,580 થઇ :એક્ટિવ કેસ 1,81,664 થયા વધુ 14,338 દર્દીઓ સ્વસ્થ થતા કુલ 1,08,66,536 થયા :વધુ 98 લોકોના મોત સાથે કુલ મૃત્યુઆંક 1,57,791 થયા: દેશમાં સૌથી વધુ મહારાષ્ટ્રમાં નવા 10,187 નવા કેસ નોંધાયા access_time 12:20 am IST