Gujarati News

Gujarati News

News of Saturday, 6th March 2021

ગુજરાતમાં બેકારીનો વણથંભ્યો વિકાસ : ૩,૯૨,૪૧૮ શિક્ષિત, ૨૦,૫૬૬ અર્ધશિક્ષિત બેકારો

રાજકોટ જિલ્લામાં ૨૧,૧૬૧ નોંધાયેલા બેરોજગારો : સરકારે ૧૨૬ને રોજગારી આપી

(અશ્વિન વ્યાસ દ્વારા) ગાંધીનગર,તા. ૬: કોંગ્રેસના ધારાસભ્યોએ વિધાનસભામાં પુછેલા પ્રશ્નોના જવાબમાં બેરોજગારીના ચોંકાવનારા આંકડા સામે આવ્યા છે. અવાર નવારની વાઇબ્રન્ટ સમિટ પછી પણ બેરોજગારી વધી રહી છે. રાજકોટ જિલ્લામાં ૧૯,૭૯૪ શિક્ષિત અને ૧,૩૬૭ અર્ધશિક્ષિત બેરોજગારો નોંધાયાનું જણાવાયુ છે. જેમાંથી ૧૨૬ને સરકારી રાહે રોજગારી મળી છે. રાજ્યમાં છેલ્લા બે વર્ષમાં ૫,૮૬,૨૭૭ લોકોને ખાનગી ક્ષેત્રે રોજગારી મળ્યાનો સરકારનો દાવો છે.

કોંગ્રેસે જણાવ્યુ છે કે, રાજ્યમાં ૩,૯૨,૪૧૮ શિક્ષિત બેરોજગાર અને ૨૦,૫૬૬ અર્ધશિક્ષિત બેરોજગાર મળીને કુલ ૪,૧૨,૯૮૫ બેરોજગારો નોંધાયેલા છે. બે વર્ષમાં ૧,૭૭૭ બેરોજગારોને માત્ર સરકારી નોકરી આપવામાં આવી છે. બે વર્ષમાં રાજ્યના મહીસાગર, ખેડા, મોરબી, નર્મદા, નવસારી, ભરૂચ, જૂનાગઢ, અમદાવાદ, સુરત, વડોદરા, કચ્છ, દાહોદ, વલસાડ, તાપી અને ડાંગ મળીને ૧૫ જીલ્લાઓમાં એક પણ સરકારી નોકરી આપવામાં આવી નથી. રાજ્ય સરકારના લાખોને નોકરી આપવાના અને ૧૦ વર્ષીય ભરતી કેલેન્ડર મુજબ ભરતીના દાવાઓ પોકળ સાબિત થયા છે.

(1:17 pm IST)
  • ઇંધણના ભાવમાં આગ એંધાણ : ઓપેક દેશોએ ક્રૂડ ઉત્પાદનનો કાપ લંબાવ્યો: આંતરરાષ્ટ્રીય બજારોમાં ક્રૂડની કિંમત વધવા છતાં ઓઇલ ઉત્પાદક ઓપેક દેશોએ ગ્લોબલ ઇકોનોમિક રિકવરી સ્થિર ન બને ત્યાં સુધી વધુ એક મહિનો ઉત્પાદનમાં કાપ લંબાવ્યો access_time 12:48 am IST

  • રિલાયન્સ તેના તમામ કર્મચારીઓ, તેમના જીવનસાથી, માતાપિતા અને બાળકો માટે કોવિડ 19 રસીકરણનો સંપૂર્ણ ખર્ચ ઉઠાવશે access_time 9:58 am IST

  • યોગી આદિત્યનાથ સરકાર દુનિયાભરના રામ ભક્તોને એક અનોખી ભેટ આપવા જઈ રહી છે. રામાયણ ના વૈશ્વિક એનસાયકલોપેડિયાની પ્રથમ આવૃત્તિ પ્રકાશન માટે તૈયાર થઈ ગઈ છે. સીએમ યોગી આદિત્યનાથ, જાનકી નવમીના અવસરે આ ઐતિહાસિક આવૃત્તિનું વિમોચન કરશે. access_time 11:11 pm IST