Gujarati News

રાજકોટઃ રાજય સરકાર દ્વારા ફી નિયમન કાયદો અમલમાં આવ્યા બાદ અને હાઇકોર્ર્ટે રાજય સરકારના ફી નિયમનને યોગ્ય ગણાવ્યા બાદ વાલી મંડળ દ્વારા માંગણી કરવામાં આવી છે કે નવી ફી ન લેવા રાજય સરકાર સ્કુલોને આદેશ કરે અને ફી મુદ્દે સ્પષ્ટતા કરે જેથી વાલીઓની હેરાનગતી બંધ થાય. સ્કુલોને ૩ સપ્તાહમાં ફી નિર્ધારણ માટે દરખાસ્ત કરી દેવા આદેશ કરી દીધો છે પરંતુ ત્રીજા કવાર્ટરની નવી ફી ભરવા અંગે વાલીઓ મુંઝવણમાં મુકાયા છે ત્યારે સરકાર સ્કુલોને ત્રીજા કવાર્ટરની ફી ન લેવા અને નવી ફી નક્કી ન થાય ત્યાં સુધી વાલીઓ ઉપર દબાણ ન કરવા આદેશ કરે તેવી વાલીઓએ રાજય સરકાર સમક્ષ માંગણી કરી છે.