Gujarati News

Gujarati News

News of Wednesday, 3rd January 2018

સરગાસણ શાહપુર હાઇવે પર લકઝરી બસની ટક્કરે બાઈક સવાર યુવાન ઘટનાસ્થળેજ મોતને ભેટ્યો

ગાંધીનગર:શહેર નજીક સરગાસણ શાહપુર હાઈવે માર્ગ ઉપર લકઝરી બસની અડફેટે બાઈક સવાર ધોળાકુવાના યુવાનનું મોત નીપજયું હતું. અકસ્માત સર્જી કાબુ ગુમાવતાં લકઝરી બસ સાઈટમાં અંબાણી ઈન્સ્ટીટયુટની મોટી દિવાલને તોડી અંદર ઘુસી ગઈ હતી.

આ સંદર્ભે ઈન્ફોસીટી પોલીસે અકસ્માતનો ગુનો નોંધી વધુ તપાસ શરૃ કરી છે. ગાંધીનગર શહેરના પહોળા રાજમાર્ગો ઉપર અકસ્માતના બનાવોમાં નોંધપાત્ર વધારો થઈ રહયો છે ત્યારે શહેર નજીક સરગાસણ શાહપુર માર્ગ ઉપર આજે અકસ્માતમાં વધુ એક યુવાનનો ભોગ લેવાયો છે. ધોળાકુવા ગામમાં રહેતો યુવાન લક્ષ્મણજી મસારજી મારવાડી આજે સવારના સમયે તેનું બાઈક લઈને સરગાસણથી શાહપુર સર્કલ તરફ જઈ રહયો હતો તે દરમ્યાન પાછળથી આવતી લકઝરી બસ ન.જીજે-૧-૧૦૯૨ના ચાલકે લક્ષ્મણજીના બાઈકને અડફેટે લીધું હતું.

જેના કારણે લક્ષ્મણજી રોડ સાઈડમાં નીચે પટકાયો હતો. આ અકસ્માત બાદ બસના ચાલકે પણ કાબુ ગુમાવતાં બસ સાઈડમાં અંબાણી ઈન્સ્ટીટયુટની દસ ફુટ ઉંચી દિવાલને તોડીને કેમ્પસમાં ઘુસી ગઈ હતી. જેના કારણે ડ્રાઈવર અને કંડકટરને પણ ઈજાઓ પહોંચી હતી. તો શરીરે ગંભીર ઈજાઓના કારણે લક્ષ્મણજીનું મોત નીપજયું હતું.

આ અકસ્માતને પગલે આસપાસના લોકો મોટી સંખ્યામાં એકઠાં થઈ ગયા હતા અને આ ઘટના અંગે ઈન્ફોસીટી પોલીસને જાણ કરવામાં આવતાં પોલીસ સ્થળ ઉપર પહોંચી હતી અને અકસ્માતનો ગુનો નોંધી વધુ તપાસ શરૃ કરી હતી.

(4:29 pm IST)
  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST

  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST

  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST