Gujarati News

Gujarati News

News of Wednesday, 3rd January 2018

ચાણસ્મા-બહુચરાજી પંથકમાં વીજ પુરવઠો બંધ રહેતા ખેડૂતોને હાલાકી

આણંદમાં રસ્તા પરની કચરાપેટીમાંથી માનવ કંકાલ મળી આવતા અરેરાટી

આણંદ:જિલ્લાના મેઈન રોડ પર આવેલ એક કચરા પેટીમાંથી એક માનવ કંકાલ મળી આવતા ચકચાર મચી હતી. આ ઘટનામાં પોલીસે કચરા પેટીમાં તપાસ કરતા તેમાં ઓશીકાના કવરમાં વિંટાળેલ હાલતમાં માનવ કંકાલ મળી આવ્યું હતું.

આ ઘટનામાં પોલીસ સુત્રોના જણાવ્યા મુજબ આણંદના પોશ વિસ્તાર મહેન્દ્ શાહ હોસ્પિટલ નજીક ચોકડી પાસે કચરા પેટીમાંથી મંગળવારે વહેલી સવારે એક માનવ કંકાલ મળી આવ્યું હતુ. આ માનવ કંકાલ એક ઓશીકાના કવરમાં ભરી કચરા પેટીમાં નાંખવામાં આવ્યું હતું.જેમાંથી ખોપરીનો ભાગ બહાર પડી જતા આવતા જતા લોકોએ આણંદ સીટી પોલીસ મથકની જાણ કરી હતી. આ જાણ કરતા જ પોલીસ કાફલો સ્થળ પર દોડી આવ્યું હતું. આ કંકાલ ભરેલ ઓશીકાના કવરને બહાર કાઢી જોતા જ તેમાંથી બીજા અવશેષો પણ મળી આવ્યા હતા. સમગ્ર મામલે એફએસએલના અધિકારીઓને સ્થળ પર બોલાવી તપાસ હાથધરાઈ હતી. આ માનવ કંકાલ સ્ત્રીનું છે કે પુરુષનું તેની તપાસ માટે તેને ફોરેન્સીક લેબોરેટરીમાં તપાસ અર્થે મોકલી દેવાયું હતું. આ ઘટનામાં માનવ કંકાલને સ્થળ પર બહાર કાઢતા જ તેના અવશેષો પર કંકુના નિશાન મળી આવ્યા હતા.જ્યારે આ માનવ કંકાલ પરથી કોઈ તાંત્રીક વિધીને અંજામ અપાયા હોવાની વાત પણ નગરજનોમાં ચર્ચામાં રહી હતી.

(4:26 pm IST)
  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST

  • મુંબઈના મરોલ વિસ્તારની મૈમુલ બિલ્ડિંગમાં આગ લાગવાથી એક જ કુટુંબના ચાર લોકોના મોતથી અરેરાટી ફેલાઈ ગઈ છે access_time 9:07 am IST

  • લખતર-અમદાવાદ હાઇવે પર વિઠલાપરા ગામ પાસે સુરેન્દ્રનગર તરફથી આવી રહેલ ટ્રક નં. આરજે રર જીએ ૦૭૭૧ની સાઇડ કાપીને આગળ જવા નિકળવાનો પ્રયાસ કરી રહેલ બાઇક ચાલક લીંબડી તાલુકાના જાળીયાણ ગામના વાલજીભાઇ અરજણભાઇ કોળી સામેથી વાહન આવતા બાઇક ઉપરથી પડી જવાથી ટ્રકના વ્હીલ નીચે આવી જતા મોત નિપજયું છે access_time 5:28 pm IST