Gujarati News

Gujarati News

News of Wednesday, 3rd January 2018

હાર્દિકના વધુ એક ખાસ સાથીદારની સેકસ કિલપ વાઇરલ

આ વીડિયોમાં બે યુવકો અને એક યુવતી જોવા મળી રહી છેઃ યુવક-યુવતી દારૂની મહેફિલ માણી રહ્યા છે

હાર્દિકના વધુ એક ખાસ સાથીદારની સેકસ કિલપ વાઇરલ

મુંબઇ તા. ૩ : પાટીદાર અનામત આંદોલન સમિતિના કન્વીર હાર્દિક પટેલની કથિત સેકસ કિલપ સામે આવ્યા બાદ અન્ય કન્વીનરોની પણ સીડી સામે આવી હતી. હવે બોટાદના પાસ કન્વીનર દિલીપ સાબવાની કથિત સેકસ કિલપ સામે આવી છે. દિલીપ સાબવાને હાર્દિક પટેલનો ખાસ વ્યકિત ગણવામાં આવે છે.

હાલમાં એક ૪.૧૦ મિનિટનો એક વીડિયો સોશિયલ મીડિયામાં વાઈરલ થયો છે. આ વીડિયો બોટાદના પાસ કન્વીનર દિલીપ સાબવાનો હોવાનો દાવો કરવામાં આવી રહ્યો છે. વીડિયોની ઉપરની બાજુ દિલીપ સાબવા, પાસ કન્વીનર બોટાદ એવું લખેલું છે.

આ વીડિયોમાં બે યુવકો અને એક યુવતી જોવા મળી રહી છે. યુવક અને યુવતી દારૂની મહેફિલ માણી રહ્યા છે. આ વીડિયો ૧૭ માર્ચ ૨૦૧૭ અને બપોરે ૨ વાગ્યાને ૨૦ મિનિટનો હોવાનું દેખાઈ રહ્યું છે.

થોડી મિનિટો બાદ એક યુવક અને યુવતી અન્ય રૂમમાં જાય છે જયાં પહોંચ્યા બાદ રૂમની લાઈટ બંધ થઈ જાય છે. તેમની આપતિજનક સ્થિતિનો વીડિયો બ્લેકઆઉટ થઈ જાય છે. સોશિયલ મીડિયા પર આ વીડિયો દિલીપ સાબવાનો હોવાનું કહેવામાં આવી રહ્યું છે.

આ પહેલા હાર્દિક પટેલની કથિત સેકસ કિલપો વાઈરલ કરી પાટીદાર આંદોલનને નબળું પાડવાનો આક્ષેપ થયા હતા.યુટ્યુબ પર હાર્દિક પટેલ એન્ડ ગેંગ નામની એક વીડિયો ચેનલમાં અનેક વીડિયો કિલપ અપલોડ કરવામાં આવી છે. આ પહેલા રાજકોટના પાસ કન્વિનર બ્રિજેશ પટેલ, મોરબી ટંકારાના પાસ કન્વિનર પ્રકાશ ટંકારા, ભાવનગર પાસ કન્વિનર નિતિન ઘેલાણી અને હાર્દિકનો પિતરાઈ ભાઈ રવિ પટેલના વીડિયો સામે આવ્યા હોવાનો આક્ષેપ કરવામાં આવ્યો છે.

(9:57 am IST)
  • લખતર-અમદાવાદ હાઇવે પર વિઠલાપરા ગામ પાસે સુરેન્દ્રનગર તરફથી આવી રહેલ ટ્રક નં. આરજે રર જીએ ૦૭૭૧ની સાઇડ કાપીને આગળ જવા નિકળવાનો પ્રયાસ કરી રહેલ બાઇક ચાલક લીંબડી તાલુકાના જાળીયાણ ગામના વાલજીભાઇ અરજણભાઇ કોળી સામેથી વાહન આવતા બાઇક ઉપરથી પડી જવાથી ટ્રકના વ્હીલ નીચે આવી જતા મોત નિપજયું છે access_time 5:28 pm IST

  • ભારતે લીધો બદલોઃ ૧૦ થી ૧૨ પાકિસ્તાની સૈનિકોને ભારતીય સેનાએ કર્યા ઠારઃ ર પાકિસ્તાની ચોકી પણ ઉડાવી access_time 1:17 pm IST

  • જાપાનના બોનિન ટાપુ પાસે આવ્યો ૫.૪ની તીવ્રતાનો ભૂકંપ access_time 10:42 am IST