Gujarati News

ગાંધીધામની પીએમ આંગડિયા પેઢીમાં થયેલી 1 કરોડની લૂંટનો ભેદ ઉકેલાયો છે. પૂર્વ કચ્છ લોકલ ક્રાઈમ બ્રાંચે લૂંટમાં સંડોવાયેલા 6 આરોપીઓની ધરપકડ કરી છે. પોલીસે આરોપીઓ પાસેથી 96 લાખની રોકડ રકમ સહિત 1 કરોડનો મુદ્દામાલ કબજે કર્યો છે. અમીરગઢ સહિત અલગ અલગ સ્થળો પરથી આરોપીઓને ઝડપી પાડવામાં આવ્યા છે.

આરોપીઓની ધરપકડ બાદ ચોંકાવનારો ખુલાસો સામે આવ્યા છે. 2022થી આરોપીઓએ લૂંટનો પ્લાન બનાવ્યો હતો જેના માટે તેમણે રેકી પણ કરી હતી. આરોપીઓની પૂછપરછમાં વધુ 4 લોકોના નામ પણ સામે આવ્યા છે જેમને શોઘખોળ માટે પોલીસે કાર્યવાહી શરૂ કરી છે. આંગડિયા પેઢીમાં લૂંટ કરનારા 6 આરોપીઓની ધરપકડ બાદ ગાંધીધામ એ ડિવિઝન પોલીસને સોંપવામાં આવ્યા છે.