Gujarati News

ખેડાઃ કેટલાક સમય અગાઉ ગુજરાતના ખેડા જિલ્લાના નડીયાદ ખાતે સાતેક વર્ષની તાન્યાનું અપહરણ કર્યા બાદ હત્યા કરવામાં આવી હતી. આરોપીઓએ ખંડણી માટે આ માસુમની હત્યા કરી નાંખી હતી. આ કેસમાં પોલીસે કુલ પાંચ આરોપીઓની ધરપકડ કરી છે.

જેમાં બે આરોપી સગીર વયના છે. ત્યારે નડિયાદ કોર્ટ દ્વારા નિર્ણય લેવામાં આવ્યો છે કે બંને સગીર આરોપીઓ સામે સામાન્ય આરોપીની જેમ જ ટ્રાયલ ચલાવવામાં આવશે. જુવેનાઈલ બોર્ડ સાથે ચર્ચા બાદ નડિયાદ કોર્ટે આ નિર્ણય લીધો છે.

જો કે આ બંને સગીર સામે ચિલ્ડ્રન કોર્ટમાં કેસ ચાલશે. કારણ કે આ સગીરોનો ગુનો વયસ્ક આરોપીઓ જેવો જ છે. ત્યારે 7વર્ષની માસુમને તેના પાડોશીઓએ અપહરણ કરીને મહિસાગર નદીના બ્રિજ પરથી ફેંકી દીધી હતી.