Gujarati News

Gujarati News

News of Saturday, 3rd February 2018

નર્મદા કેનાલમાંથી સાતેજના પોલીસ કોન્સ્ટેબલની ભેદી સંજોગોમાં લાશ મળી આવતા ચકચાર

સાંતેજ:પોલીસ મથકમાં ફરજ બજાવતા પોલીસ કોન્સ્ટેબલની લાશ નર્મદા કેનાલમાંથી મળી આવી હતી. કેનાલ પાસેથી કોન્સ્ટેબલની કાર પણ મળી આવી હતી. જો કે કારની ચાવી મળી નહોતી. કોન્સ્ટેબલની રહસ્યમય સંજોગોમાં મળી આવેલી લાશ અંગે અનેક તર્ક-વિતર્કો સર્જાયા છે. સાંતેજ પી.આઇ.નો ફોન પણ લાગતો ન હતો.
મૂળ માણસા તાલુકાના અંબોડના વતની અને હાલ સાંતેજ પોલીસ મથકમાં કોન્સ્ટેબલ તરીકે ફરજ બજાવતા ભૂપતસિંહ દિલીપજી ચાવડાની લાશ ગઇકાલે મોડીરાત્રે સાંતેજમાં આવેલી ધોળકા સબ કેનાલમાંથી મળી આવી હતી. તેમની સ્વીફ્ટકાર કેનાલ આગળ પાર્ક કરેલી હતી. જો કે કારની ચાવી મળી નહોતી. સાંતેજ પી.આઇ. આર.બી.રાણાના રાઇટર ખોડસિંહે જણાવ્યું હતું કે, ભૂપતસિંહની લાશ પાણીમાં તરતી દેખાતા ત્યાંથી પસાર થતા રાહદારીએ આ અંગે સાંતેજ પોલીસને જાણ કરી હતી.
સાંતેજ પોલીસે સ્થળ પર પહોંચીને કોન્સ્ટેબલની લાશ કેનાલમાંથી બહાર કઢાવી પોસ્ટ મોર્ટમ માટે કલોલના સામુહીક આરોગ્ય કેન્દ્ર ખાતે ખસેડી હતી. મૃતક પોલીસ કોન્સ્ટેબલ પરીણીત હતા અને તેમને ૪ વર્ષની એક બેબી પણ છે. એમ સાંતેજ પોલીસે જણાવ્યું હતું. જો કે કોન્સ્ટેબલે કેનાલમાં ઝંપલાવી આપઘાત કર્યો છે કે અકસ્માતે કેનાલમાં પડી ગયા છે. તેનો સચોટ જવાબ પોલીસ પાસે નથી ! રાત્રે કેનાલ પાસે કાર પાર્ક કરી કોન્સ્ટેબલ કેનાલ તરફ કેમ ગયા તેનું રહસ્ય પણ વધુ ઘેરું બન્યું છે.

(5:20 pm IST)
  • અમદાવાદ : અમિતભાઈ શાહના પુત્ર જય શાહે ખાનગી ન્યૂઝ પોર્ટલ (ધ વાયર પોર્ટલ) સામે કરેલી બદનક્ષીની ફરીયાદનો મામલો : આજે મેટ્રો કોર્ટમાં પોર્ટલના એડિટર રોહિણી સિંગ સહિત તમામ કોર્ટમાં હાજર રહ્યા : હવે પછીની સુનવણી ૧૭ માર્ચે access_time 3:33 pm IST

  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST

  • પદ્માવત ફિલ્મ ગુજરાતમાં રિલીઝ ન થતા લોકોમાં નારાજગી જોવા મળી રહી છે ત્યારે પોતાના મતવિસ્તારની મુલાકાતે આવેલા ભાજપ સાંસદ પરેશ રાવલે જણાવ્યુ હતું કે કોઇપણ ફિલ્મ પર પ્રતિબંધ ન મૂકાવો જોઇએ. કોઇ સમાજની લાગણી દુભાઇ હોય તો તે સમાજના અગ્રણીઓ અને ફિલ્મ નિર્માતાએ સાથે બેસીને ચર્ચા કરવી જોઇએ અને શાંતિથી કોઇપણ વિવાદનું નિરાકરણ કાઢવું જોઈએ. access_time 2:37 pm IST