Gujarati News

ધાનેરા : પોલીસ ઇન્સ્પેકટર એસ.એ.ડાભી તથા અ.હેડ.કોન્સ રાસેંગભાઇ, અ.પો.કોન્સ પ્રકાશભાઇ, વિક્ર્મભાઇ, ભીખાભાઇ સ્ટાફ સાથે નેનાવા ચેક પોસ્ટ ઉપર વાહનોના ચેકિંગમાં હતા ત્યારે રાજસ્થાન તરફથી એક ટ્રોલીવાળુ ટ્રેક્ટર ઘાસચારો ભરીને આવતું હતું. આ ટ્રેક્ટરમાં દારુની બાતમી મળી હોવાથી આ નંબર વગરના ટ્રેક્ટર ટ્રોલી સાથે આવતું હોવાથી તેને ઉભુ રખાવી તપાસ કરતાં ટ્રોલીમાં ઘાસચારા નીચેથી વિદેશી દારુની પેટીઓ મળી આવી હતી. પોલીસે વિદેશી દારૂ/બીયરની પેટીઓ નંગ-૧૭ કુલ બોટલ નંગ-૨૧૬ કિ.રૂ.૨,૦૨,૨૦૦ તથા ટ્રેક્ટર અને ટ્રોલી સાથે ની કિં.રૂ. ૩,૫૦,૦૦૦ તથા મોબાઇલ ફોન નંગ-૧ કિ.રૂ.૫,૦૦૦ મળી કુલ કિં.રૂ. ૫,૫૭,૨૦૦ના મુદ્દામાલ સાથે નગારામ પ્રેમારામ મોદી (રહે.ચિતલવાણા ઘાચિયો કા વાસ તા-ચિતલવાણા જી.જાલોર, રાજસ્થાન)ને પકડી કાર્યવાહી હાથ ધરવામાં આવી હતી.