Gujarati News

સુરત, તા. ૧ : સૂરતમાં કન્‍હૈયાલાલના સમર્થનમાં પોસ્‍ટ લખ્‍યા બાદ એક યુવકને ધમકીઓ મળવા લાગી છે. સુરતમાં રહેતા યુવરાજ પોખરાણા નામના વ્‍યક્‍તિને ગળું કાપી નાખવાની ધમકી આપવામાં આવી છે. ધમકી મળ્‍યા બાદ યુવક તેમજ તેના પરિવારજનોમાં ગભરાટનો માહોલ છે. તકેદારી લેતા યુવકે પોલીસ સ્‍ટેશનમાં એફઆઈઆર નોંધાવી છે અને પોતાની તેમજ પરિવારની સુરક્ષાની માંગ કરી છે.

જાણો શું છે ઘટના?

સુરતમાં રહેતા યુવરાજે જણાવ્‍યું કે તેના દાદા અને પિતા ઉદયપુરના રહેવાસી છે અને દરજીની હત્‍યાથી તેઓ બધા પરેશાન છે. પોખરાનાએ કહ્યું કે તેણે સોશિયલ મીડિયા પર દરજીની હત્‍યા અંગે કેટલીક પ્રતિક્રિયા આપી હતી, ત્‍યારબાદ તેને પણ જાનથી મારી નાખવાની ધમકીઓ મળી હતી. પોખરાનાએ કહ્યું કે તેણે સુરત પોલીસ સાથે વાત કરી છે અને એફઆઈઆર નોંધાવી છે. તેણે તેના પરિવાર માટે પોલીસ સુરક્ષા પણ માંગી છે.

પોખરાજે કહ્યું- અમે કોઈ ઉશ્‍કેરણીજનક જવાબ આપ્‍યો નથી

પોખરાજે દાવો કર્યો હતો કે તેણે કોઈ ઉશ્‍કેરણીજનક પ્રતિક્રિયા આપી નથી. મેં હમણાં જ લખ્‍યું હતું કે કન્‍હૈયાલાલની એક ચોક્કસ સમુદાયના લોકોએ નિર્દયતાથી હત્‍યા કરી હતી. આનાથી તે સમુદાયના કેટલાક લોકો ગુસ્‍સે થયા અને તેઓએ મને મારી નાખવાની ધમકીઓ આપવાનું શરૂ કર્યું. એટલું જ નહીં, તેઓએ કન્‍હૈલાલનું ગળું કાપી નાખવાની ધમકી પણ આપી હતી.

રાજસ્‍થાનના ઉદયપુરમાં દરજીની ગળું કાપીને હત્‍યા કરવામાં આવી હતી

ઉદયપુરમાં વ્‍યવસાયે દરજી એવા કન્‍હૈયાલાલની ગળું કાપીને હત્‍યા કરવામાં આવી હતી, જેમણે ભાજપના સસ્‍પેન્‍ડ કરાયેલા પ્રવક્‍તા નુપુર શર્માના સમર્થનમાં પોસ્‍ટ લખી હતી. ત્‍યારથી સમગ્ર દેશમાં વાતાવરણ ગરમ છે. જાનથી મારી નાખવાની ધમકી મળ્‍યા બાદ કન્‍હૈયાએ સુરક્ષા માટે પોલીસનો સંપર્ક કર્યો હતો. પરંતુ પોલીસે સુરક્ષા આપવાને બદલે સમાધાન કરી લીધું હતું.