Gujarati News

રાજકોટ, તા.૨૨ : બજારમાં રૂ, કપાસ, કપાસિયા અને ખોળમાં મંદીનો ગભરાહટ જોવા મળે છે અને મંદીના માહોલમાં ચોતરફ વેચવાલી વચ્ચે લેવાલી ઓછી રહેતા ભાવમાં દબાણ વધતું જોવાઈ રહયું છે. રૂ માં ઊંચામાં લેવાલીના અભાવે વેચવાલી વધી હતી. કપાસમાં સુસ્તી વધી છે. કપાસિયા અને ખોળમાં પણ મંદી જોવા મળે છે.

જાણકારોના માનવા મુજબ કપાસમાં કવોલિટીના કારણે ભાવ ઘટી રહ્યાં છે. બીજીતરફ સારી કવોલિટીના કપાસ પર ખેડૂતોની પક્કડ મજબૂત છે. રૂ માં વૈશ્વિક બજારને પગલે સ્થાનિક બજાર પણ નરમ છે. કવોલિટીના પ્રશ્નો પણ સર્જાતા હોય રૂ ના વેચાણમાં પણ ગભરાટ જોવા મળે છે. નિકાસકારોને ઊંચામાં રૂ પોસાતું નથી અને આયાતી સસ્તા રૂ ની લાલચ પણ જોવા મળે છે.

કપાસિયા ને ખોળમાં મંદીનો માહોલ જોવાઈ રહ્યો છે.