News of Tuesday, 13th February 2018

વિશ્વ માર્કેટમાં ભારતીય જવેલરીનો વધતો દબદબોઃ હેન્ડમેઈડ ઘરેણાંનું જબરૂ આકર્ષણ

નવી ટેકનોલોજી અને ટ્રેડિશનલ થકી કારીગરોની કલામાં આવ્યો નિખાર

રાજકોટ, તા.૧૩ : ભારતીય જવેલરીનો વિશ્વભરમાં ડંકો વગાડી રહી છે. જોકે વચ્ચેના કેટલાક પ્રતિકૂળ સંજોગોને કારણે નિકાસમાં ઘટાડો જોવાયો હતો. તેવામાં વૈશ્વિક સ્તરે યોજાતા જવેલરી શોના કારણે એકવાર ફરી ભારતીય જવેલરી લોકોનું ધ્યાન આકર્ષિત કરવામાં સફળ નીવડી છે.

જેમ્સ એન્ડ જવેલરી એકસપોર્ટ પ્રમોશન કાઉન્સિલ ઇન્ડિયન ઇન્ટરનેશનલ જવેલરી શો સાથે સંકળાયેલ ભારત સહિત દુનિયાભરના જવેલર્સનો દાવો છે કે ટેકનોલોજી અને ટ્રેડિશનલ થકી ભારતીય જવેલરી કારીગરોની કલામાં વધુ નિખાર આવ્યો છે.

ભારતીય હેન્ડમેઈડ જવેલરી ફરીવાર ફોકસમાં આવી રહી છે. ભારત જ નહીં પરંતુ વિશ્વભરમાં તેનો ક્રેઝ વધી રહ્યો છે. તેનું સૌથી મોટું ઉદાહરણ ટેમ્પલ જવેલરી બનીને ઉભરી રહી છે. જયારે ડાયમંડ જવેલરીમાં પણ ભારતીય ડિઝાઇનને ખુબ જ પસંદ કરાઈ છે.

વૈશ્વિક માર્કેટના જવેલરીના જાણકારોના માનવા મુજબ નવી ટેકનોલોજી આવ્યા બાદ ભારતીય કારીગરોની કલામાં નિખાર આવી રહ્યો છે. અલગ અલગ શેપ જેવા માર્કીશ અને પીઅર શેપ નૅકલેશ અને બ્રેસલેટની માંગ ઝડપથી વધી રહી છે.

અત્રે ઉલ્લેખનીય છે કે, મુંબઈમાં યોજાયેલ ઇન્ડિયન ઇન્ટરનેશનલ જવેલરી શોમાં આ વર્ષે દુનિયાભરમાંથી ૭૦૦ જેટલા એકિઝબ્યુટર્સએ ભાગ લીધો હતો.

(9:53 am IST)
  • અમિતભાઈ શાહ આજે અમદાવાદમાં પણ આવે છે : કોર્પોરેટર ગૌતમભાઈ પટેલના પુત્રના લગ્નમાં હાજરી આપશે access_time 4:08 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST