Gujarati News

Gujarati News

News of Friday, 5th January 2018

ખેડૂતોની આવક બમણી કરવા રોડમેપ બનાવાયો નિકાસને પ્રોત્સાહન અને સિંચાઈ પર ફોકસ વધશે

પાક કાપ્યા પછી નુકશાન ઓછું કરવા કવાયતઃ સ્ટોરેજ સુવિધા અને પાકવીમાને અસરદાર બનાવશે

રાજકોટ તા. ૫ : કેન્દ્ર સરકાર ખેડૂતોની આવક બમણી કરવાના લક્ષ્યાંક સાથે આગામી બજેટમાં ખેડૂતો માટેની અનેકવિધ યોજનાઓ અને વિવિધ પગલાંઓ મારફત ખેડૂતો પર સરકાર હેત વરસાવશે એમ મનાય રહયું છે કે આગામી દિવસોમાં ખેડૂતોથી જોડાયેલા મોટા નિર્ણયો જાહેર થઇ શકે છે જાણવા મળતી વિગતો મુજબ ખેડૂતોની આવકને ૨૦૨૨ સુધીમાં બમણી કરવા માટે કૃષિ મંત્રાલયે રોડમેપ તૈયાર કર્યો છે

   કેન્દ્ર સરકારનો ખેડૂતોની આવક બમણી કરવાનો લક્ષ્ય છે. જે અંતર્ગત વર્ષ ૨૦૨૨ સુધીમાં સરકાર અનેકવિધ નવા પગલા લઇ શકે છે એવું જાણવા મળે છે કે  પ્રધાનમંત્રી જાન્યુઆરીમાં આ યોજનાને લીલી ઝંડી આપશે. જેમાં કૃષિ ઉત્પાદન કરનારને એકસપોર્ટમાં પ્રોત્સાહન અને સિંચાઇ પર ફોકસ વધશે.

બીજીતરફ સરકાર ખેડૂતોને પોષણક્ષમ ભાવ આપવા ઉપરાંત પાક કાપ્યા બાદ નુકસાનનું ઓછું કરવા બાબતે ધ્યાન કેન્દ્રિત કરશે જેમાં મોટાભાગે ખેડૂતોને સ્ટોરેજની સુવિધા આપવી અને પાક વીમા યોજનાને અસરકારક બનાવવા કોઈ નિર્ણંય લઇ શકે છે. આ સિવાય ડેરી, મત્સ્યઉદ્યોગને પ્રોત્સાહન આપવું અને  કૃષિમાં રોકાણ અને ખેડૂતોને દેવું ઉપલબ્ધ કરાવવું જેવા મહત્વના નિર્ણયો લઇ શકે છેં કૃષિ ક્ષેત્રમાં સ્ટાર્ટઅપને પ્રોત્સાહન આપવા પણ વિચારણા છે.

(9:20 am IST)
  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST

  • અમિતભાઈ બે દિવસના ગુજરાત પ્રવાસેઃ કાર્યકરો સાથે મકરસંક્રાત ઉજવશે ભાજપના રાષ્ટ્રીય પ્રમુખ અમિતભાઈ શાહ કાલે નારણપુરામાં કાર્યકર્તાઓ સાથે મકરસંક્રાંત ઉજવશે : પોતાના નિવાસસ્થાને કાર્યકરોને મળશે : આજે સાંજે ૭ વાગ્યે અમદાવાદ એરપોર્ટ આવી પહોંચશે access_time 3:46 pm IST

  • બજેટ પેહલા કેન્દ્ર સરકારને લાગ્યો ઝાટકો : રીટેલ ફુગાવો વધીને 5.21% થયો : બીજીબાજુ ઔદ્યોગિક ઉત્પાદન (IIP)ના આક્ડાઓએ આપી રાહત, જે વધીને 8.૪% થયો. access_time 11:57 am IST