News of Thursday, 8th February 2018

આખરે ચણાની આયાત ડ્યુટી વધારાઈ

ચણાના તૂટતાં ભાવ વચ્ચે વધતી આયાતને રોકવા નિર્ણંય

નવી દિલ્હી, તા.૮ : સરકારે આખરે ચણાની આયાત ડ્યુટીમાં વધારો કર્યો છે. ચણાની આયાત ડ્યુટી ૩૦ ટકાથી વધારીને ૪૦ ટકા કરવા નિર્ણય કરાયો છે. આ પહેલા ગયા વર્ષે ડિસેમ્બરમાં ચણા ઉપર ૩૦ ટકા ડ્યુટી લગાવાઈ હતી. જોકે આમ છતાં કઠોળની આયાત વધી હતી અને ભાવને કોઈ ટેકો સાંપડ્યો નથી. આ સંજોગોમાં ચણાની આયાત ડ્યુટી વધારવા નિર્ણય લેવાયો છે.

હાલમાં ચણાનો ભાવ લદ્યુતમ ટેકાથી પણ નીચે જોવાઈ રહયો છે. બીજીતરફ નવા ચણાની આવક પણ શરૂ થનાર છે અને ચણાનું વિક્રમી વાવેતર થતા બમ્પર ઉત્પાદન થવાની ધારણા છે. ત્યારે ભાવમાં વધુ ઘટાડો રોકવા સરકાર દ્વારા ચણાની આયાત ડ્યુટીમાં વધારો કર્યો છે.

(9:44 am IST)
  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST