Gujarati News

Gujarati News

News of Friday, 9th March 2018

ઉનાળાના પ્રારંભે બજારમાં કેરીનું આગમનઃ પાક ૨૫ થી ૩૦ ટકા ઓછો ઉતરશેઃ સ્વાદ મોંઘો પડશે

કમોસમી વરસાદ અને વાદળિયું વાતાવરણથી પાકને નુકશાન : આવક મોડી

રાજકોટ, તા.૯ : ઉનાળાના પ્રારંભે બજારમાં કેરીનું ધીમા પગલે આગમન થઇ રહ્યું છે. જોકે આ વખતે કેરીનો પાક ૨૫થી ૩૦ ટકા જેટલો ઓછો ઉતરતા કેરીના ભાવ ઊંચા હોય લોકોને કેરીનો સ્વાદ થોડો મોંઘો પડશે આ વખતે કમોસમી વરસાદના કારણે કેરીનો પાક મોડો ઉતર્યો છે. જયારે વાદળછાયુ વાતાવરણના કારણે રાજયમાં કેરીના પાકને નુકશાન થયુ છે અને પાક ૨૫ થી ૩૦ ટકા ઓછો ઉતરશે તેવું મનાય રહયું છે. તેમજ કેસર સહિત દેશના અન્ય ભાગમાંથી આવતી કેરીઓ પણ ઓછા પ્રમાણમાં આવી રહી છે.

વેપારીઓના મતે દર વર્ષે ૨૦ ફેબ્રુઆરી આસપાસ કેરીની સીઝન શરૂ થઈ જાય છે. જોકે ચાલુ વર્ષે માર્ચનો એક સપ્તાહ પુરો થવા આવ્યો હોવા છતાં કેરીની આવક જોઈએ તેવી થઈ નથી. અમદાવાદમાં વલસાડ, તલાળા, જુનાગઢ અને કચ્છમાંથી તેમજ દક્ષિણ ભારત અને મહારાષ્ટ્રમાંથી કેરીની આયાત કરવામાં આવે છે.

હાલમાં બજારમાં દક્ષિણ ભારતની ગોલા હાફુસ અને રત્નાગિરી હાફુસ ઉપરાંત પાયરી, સુંદરી, તોતાપુરી કેરીઓનુ આગમન થઈ ચુકયુ છે. જયારે ગુજરાતની કેરીઓનુ આગમન ૨૦ એપ્રિલની આસપાસ થશે. કેરીઓના ભાવમાં કેરાલા હાફુસના ભાવ ૨૦૦થી ૨૫૦ રૂપિયા જોવા મળી રહ્યા છે. જયારે કેરાલાની સુંદરી-પાયરી કેરીનો પ્રતિ કિલોના ભાવ ૧૨૫ રૂપિયા છે.

 

(10:04 am IST)
  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST