Gujarati News

રાજકોટ, તા.૮ : શુક્રવારે નીતિ આયોગની રાજયો સાથે મહત્વપૂર્ણ બેઠક યોજવા જઈ રહી છે. જેમાં ખેડૂતોની આવક બમણી કરવા બાબતે ચર્ચા કરવાની સાથે ખેડૂતોને પાકના ઉત્પાદનના દોઢ ગણા ખર્ચના ભાવની ખાતરી આપવા પણ વિચારવા કરવામાં આવશે તેમ જાણવા મળે છે.

જાણવા મળ્યા મુજબ ૯ ફેબ્રુઆરીએ નીતિ આયોગ રાજયો સાથે મહત્વની બેઠક કરવા જઈ રહ્યું છે, જેમાં ખેડૂતોની આવક બમણી કરવાના ફોર્મુલા પર ચર્ચા કરવામાં આવશે. તેમજ ખેડૂતોને ઉત્પાદનની કિંમત કરતા ૫૦ ટકા MSP પર પણ વિચાર કરવામાં આવશે.

અત્રે ઉલ્લેખનીય છે કે સરકારે બજેટમાં જાહેરાત કરી હતી કે ખરીફ ૨૦૧૯ પાકના MSPના ઉત્પાદનના ખર્ચ કરતા ઓછામાં ઓછા ૧.૫ ગણું રાખવામાં આવશે, દરમિયાન કૃષિ પ્રધાનના જણાવ્યા મુજબ કેન્દ્ર અને નીતિ આયોગ રાજયો સાથે ખેડૂતોને તેમના પાકના ઉત્પાદનના ૧.૫ ગણા ખર્ચના ભાવની ખાતરી આપવા પર વિચારણા કરશે. આ બેઠકમાં પાકની MSP પર વિશેષ ચર્ચા કરવામાં આવશે.