Gujarati News

Gujarati News

News of Thursday, 8th March 2018

દેશમાં ચાલુ સીઝનમાં ખાંડનું ઉત્પાદન વધીને ૨૩૦ લાખ ટનને પારઃ ૪૨ ટકાનો જંગી વધારો

દેશમાં ૫૨૨ શુગરમીલો ચાલુ : વપરાશ ૨૫૦ લાખ ટન રહેવાની ધારણા

રાજકોટ, તા.૮ : દેશમાં ચાલુ સીઝનમાં ખાંડનું ઉત્પાદન વધીને ૨૩૦ લાખ ટન થઇ ચૂકયું છે. જે ગત વર્ષની તુલાનાએ ૪૨ ટકાનો જંગી વધારો જોવાયો છે. ઇન્ડિયન સુગર મિલ એસો.(ઈસ્મા)ના આંકડા મુજબ દેશમાં ફેબ્રુઆરીના અંત સુધીમાં કુલ ૨૩૦.૫૦ લાખ ટન ખાંડનું ઉત્પાદન થયું છે. જે ગત વર્ષે આ સમયગાળા દરમિયાન ૧૬૨.૬૨ લાખ ટન થયું હતું. આમ ગયાવર્ષ કરતા ઉત્પાદનમાં ૬૭ લાખ ટનનો વધારો થયો છે.

ઇસ્માના માનવા મુજબ ફેબ્રુઆરીના અંત સુધીમાં ઉત્તરપ્રદેશમાં ખાંડનું ઉત્પાદન ૭૩.૯૫ લાખ ટન થયું છે. મહારાષ્ટ્રમાં ૮૪.૨૪ લાખ તન અને કર્ણાટકમાં ૩૩.૪૪ લાખ ટનનું ઉત્પાદન થયું છે. દેશમાં ૫૨૨ શુગરમીલો ચાલુ છે. જે ગયાવર્ષે ૪૭૯ મિલો ચાલુ હતી. ચાલુ વર્ષે અત્યાર સુધીમાં ૪૩ મિલ બંધ થઇ ચુકી છે.

ઇસ્માના અંદાજ મુજબ ચાલુ વર્ષે ખાંડનો વપરાશ ૨૫૦ લાખ ટન થશે. જે ગયા વર્ષે ૨૪૬ લાખ ટન થયો હતો નવી સીઝનમાં ઉત્પાદનની સાથે વપરાશમાં પણ વધારો થશે.

(9:36 am IST)
  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • નીરવ મોદીના કૌભાંડ પૂર્વે 2017ના નાણાકીય વર્ષમાં પંજાબ નેશનલ બેંકે વિવિધ કૌભાંડોમાં 2800 કરોડ ગુમાવ્યા છે access_time 12:08 am IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST