News of Thursday, 8th March 2018

એલચીમાં તેજીને બ્રેકઃ ઓકશન મથકોએ વધી આવકઃ ગ્રાહકી ઓછી હોવાથી ભાવમાં દબાણ

કોઈ મોટી માંગના અભાવે ભાવ હજુ નીચા રહે તેવી ધારણા

રાજકોટ, તા.૮ : એલચી બજારમાં તેજીને બ્રેક લાગી છે. છેલ્લા દિવસોમાં ઓકશન મથકે ભાવમાં થયેલો વધારો બાદ હવે ઘટાડો જોવાઈ રહયો છે. સાઉથના મોટાભાગના ઓકશન મથકોએ એલચીની આવકમાં વધારો થઇ રહયો છે. જયારે ગ્રાહાકી ઘટી છે તેના કારણે ભાવમાં દબાણ જોવાઈ રહ્યાનું મનાય છે.

તાજેતરમાં બોડીનાયકન્નુરમાં ઓકશન વેળાએ આવક ૧૯ ટન થઇ હતી. જેમાંથી ૧૧ ટનના વેપાર થયા હતા. ઊંચામાં ૧૧૭૭ પ્રતિ કિલોના ભાવ હતા. જયારે એવરેજ ભાવ ૯૩૫ આસપાસ રહ્યાં હતા.

જાણકારોના માનવા મુજબ વરસાદની આગાહીના કારણે માંગ ઘટી હતી અને આગામી દિવસોમાં મોટા તહેવારના અભાવે પણ માંગ રૃંધાઇ છે. નજીકમાં કોઈ મોટી માંગના અભાવે ભાવ હજુ નીચા રહે તેવી ધારણા છે.

વીતેલા સપ્તાહમાં તમામ ઓકશન મથકોમાં ૫૯૪ ટનની આવક થઇ હતી. જયારે સરેરાશ ભાવ ૯૪૭ પ્રતિ કિલો જોવાયા હતા. જે આગાઉના સપ્તાહે યોજાયેલ ઓકશનમાં ૯૮૦ આસપાસ ભાવ હતા.

 

(9:35 am IST)
  • સુરત -જિલ્લા એસ.પી.એ પ્રવીણ તોગડીયાના અકસ્માતમાં મામલે પી.એસ.આઈ. રાજીવ સંધાડા અને બે કોન્સ્ટેબલ જીવન ભાઈ અને કોન્સ્ટેબલ રાજેન્દ્ર સિસોળેને કર્યા સસ્પેન્ડ access_time 9:24 am IST

  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST