News of Tuesday, 2nd January 2018

દેશમાં શિયાળુ વાવેતર ૫૬૬ લાખ હેકટરે આબ્યુઃ ઘઉંનું ઘટ્યું અને મગફળીનું વધ્યું

ચણાનું ચિક્કાર વાવેતરઃ પહેલીવાર ૧૦૦ લાખ હેકટરને પાર પહોંચ્યું

રાજકોટ તા. ૨ : દેશમાં શિયાળુ વાવેતર ૫૬૬ લાખ હેકટરે પહોંચ્યું છે જેમાં મુખ્ય પાક એવા ઘઉંનું વાવેતર ગયા વર્ષની તુલનાએ ઘટ્યું છે જયારે મગફળી અને કઠોળનું વાવેતર વધ્યું છે જોકે તેલીબિયાનું સરેરાશ વાવેતર ઘટ્યું છે કઠોળમાં ચણાનું વાવેતર પહેલીવાર ૧૦૦ લાખ હેકટરને પાર પહોંચ્યું છે.

  કેન્દ્રીય કૃષિ મંત્રાલયના આંકડા મુજબ દેશમાં કુલ ૫૬૫,૭૯ લાખ હેકટરમાં રવિ વાવેતર થયું છે જે ગયા વર્ષે ૫૭૧,૪૭ લાખ હેકટરમાં થયું હતું આમ ગયા વર્ષની તુલાનાએ વાવેતરમાં ૫,૬૮ લાખ હેકટરનો ઘટાડો થયો છે રવિ વાવેતરના મુખ્ય પાક એવા ઘઉંનું વાવેતર ગત વર્ષની તુલનાએ ૬ ટકા ઘટીને ૨૭૩,૮૫ લાખ હેકટરમાં થયું છે જે ગતવર્ષે ૨૯૦ લાખ હેકટરમાં થયું હતું.

 તેલીબિયાનું સરેરાશ વાવેતર ઘટ્યું છે જોકે મગફળીની વાવેતર ૭ ટકા વધીને ૪,૩૩ લાખ હેકટરમાં થયું છે જે ગયાવર્ષે ૪,૦૪ લાખ હેકટરમાં થયું હતું .

(9:17 am IST)
  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST

  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST

  • બિહારના પૂર્વ મુખ્યમંત્રી લાલુપ્રસાદ સહિતના 16 આરોપીઓને આજે ચારા કૌભાંડના કેસમાં સજા ફટકારવામાં આવવાની હતી, પરંતુ હવે તેમની સજા કાલે જાહેર કરવામાં આવશે એમ જાણવા મળી રહ્યું છે. access_time 3:43 pm IST