Gujarati News

Gujarati News

News of Monday, 1st January 2018

રાજયમાં રવિ વાવેતર વધીને ૩૨.૬૭ લાખ હેકટરે પહોંચ્યુઃ ચણાનું ૮૦ ટકા અને જીરૂનું ૩૮ ટકા વધ્યું

સરેરાશ વાવેતરમાં ૧૭ ટકાનો વધારોઃ ઘઉંનું ૯ ટકા વધ્યુઃ ધાણાનું ૪૩ ટકા ઘટ્યું

રાજકોટ તા. ૧ : રાજયમાં રવિ વાવેતર વેગીલું જોવાઈ રહ્યું છે સરકારના છેલ્લા જાહેર થયેલ આંકડા મુજબ રાજયમાં રવિ વાવેતર ૩૨.૬૭ લાખ હેકટરે પહોંચ્યું છે જે ગયા વર્ષની તુલનાએ ૧૭ ટકાનો વધારો સૂચવે છે ને છેલ્લા પાંચ વર્ષમાં સૌથી વધુ છે. રાજયમાં હાલ રવિ વાવેતર પૂર્ણતાના આરે છે જોકે જાન્યુઆરીના અંત સુધી છૂટુંછવાયું વાવેતર થશે.

રાજયના કૃષિ મંત્રલયના આંકડા મુજબ ગત ૨૬મી ડિસેમ્બર સુધીમાં રાજયમાં કુલ ૩૨.૬૭ લાખ હેકટરમાં વાવેતર થયું છે. જેમાં ચણાના વાવેતરમાં ૮૦ ટકાનો જબરો વધારો થઈને વાવેતર ૨.૮૯ લાખ હેકટરે પહોંચ્યું છે.

રવિ વાવેતરના મુખ્ય પાક એવા ઘઉંનું વાવેતર ૯ ટકા વધ્યું છે જયારે જીરૃંનું વાવેતર ૩૮ ટકા વધીને ૩,૬૯ લાખ હેકટરે પહોંચ્યું છે જે ગયા વર્ષે ૨.૬૭ લાખ કેટરમાં થયું હતું જોકે ઘાણાણ વાવેતરમાં ૪૩ ટકાનો જબરો ઘટાડો થયો છે ઘાણાનું વાવેતર ૪૩ ટકા ઘટીને ૬૮ હજાર હેકટરમાં થયું છે જે ગતવર્ષે ૧.૧૯ લાખ હેકટરમાં થયું હતું.

(9:14 am IST)
  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST

  • ગુજરાતમાં વિપક્ષી નેતા મામલે ચાલી રહેલી ખેચતાણ વચ્ચે આજે અલ્પેશ ઠાકોરે એક નિવેદન આપ્યું હતું કે "હું વિપક્ષના નેતાની રેસમાં નથી, અને પાર્ટી જેને નક્કી કરશે તેને સહકાર આપીશ." access_time 4:05 pm IST

  • દિલ્હીના રોહિણી વિસ્તારમાંથી 1 કરોડના ડ્રગ્સ સાથે 1 શખ્શની કરાઈ ધરપકડ. access_time 10:53 am IST