માર્ચમાં કરશે અક્ષય નવી ફિલ્મનું શુટીંગ
અક્ષયકુમારની છેલ્લી કેટલીક ફિલ્મો સફળ નિવડી નથી. જો કે ડાયરેકટ ઓટીટી પર આવેલી કટપુતલી લોકોને ખુબ પસંદ પડી છે. એ પહેલા રક્ષાબંધન સિનેમા ઘરોમાં આવી હતી. પરંતુ દર્શકોએ એ ફિલ્મને ખાસ આવકાર આપ્યો નહોતો. અક્ષય હવે તેની આગામી ફિલ્મ ‘ગોરખા'નું શુટીંગ શરૂ કરવાની તૈયારીમાં છે. આ ફિલ્મનું શુટીંગ આગામી માર્ચ મહિનામાં થશે. આ ફિલ્મમાં તે વોર હીરોનું પાત્ર ભજવી રહ્યો છે જેણે ૧૯૬૨, ૧૯૬૫ અને ખાસ કરીને ભારત-પાકિસ્તાનના ૧૯૭૧ના યુદ્ધમાં ભાગ લીધો હતો. મેજર જનરલ ઇઆન કાર્ડોઝોની લાઇફ પરથી આ ફિલ્મ બની રહી છે. આ ફિલ્મને અક્ષયકુમાર અને આનંદ એલ. રાય બનાવી રહ્યા છે. ઇન્ડિયન આર્મીની પાંચમી ગોરખા રાઇફલ્સ રેજિમેન્ટમાં ઇઆન કાર્ડોઝો લેજન્ડરી ઓફિસર હતા. આ ફિલ્મનું નિર્દેશન નેશનલ અવોર્ડ વિજેતા ડિરેક્ટર સંજય પૂરણસિંહ ચૌહાણ કરી રહ્યા છે. ફિલ્મનું શુટીંગ શરૂ થાય એ પહેલાં ટીમ દરેક તથ્ય અને દરેક બાબતને રીચેક કરી રહી છે જેથી એને એકદમ વાસ્તવિક બનાવી શકાય.