ઓસ્કર રેસમાં જોડાઈ સુરીયાની ફિલ્મ 'સોરરાઈ પોટ્રુ'

નવી  દિલ્હી:સાઉથની ફિલ્મ ઇન્ડસ્ટ્રીની અભિનેતા સૂર્યની ફિલ્મસોરરાઈ પોટ્રુ ઓસ્કરની રેસમાં જોડાઈ છે. આ ફિલ્મ હવે આખી દુનિયામાં ઉડાન ભરશે. આ ફિલ્મનું નિર્દેશન સુધા કોંગારાએ કર્યું છે. સૂર્ય અભિનીત ફિલ્મ સોરરાઈ પોટ્રુ વિવિધ ઓસ્કર કેટેગરીઝ માટે પસંદ કરવામાં આવી છે. 2 ડી એંટરટેનમેન્ટના સીઈઓ અને સૂર્યના નજીકના મિત્ર રાજશેખર પંડિયને તેના ટ્વિટર એકાઉન્ટ પર આ માહિતી આપી છે. એમેઝોન પ્રાઇમ વિડિઓએ તેના ઓફિશિયલ ટ્વિટર હેન્ડલથી રીટ્વીટ કરીને આની પુષ્ટિ કરી છે. રાજશેખરે ટ્વિટ કરીને લખ્યું, 'પ્રજાસત્તાક દિવસની શુભકામના! શ્રેષ્ઠ અભિનેતા, શ્રેષ્ઠ અભિનેત્રી, શ્રેષ્ઠ દિગ્દર્શક, શ્રેષ્ઠ ઓરિજિનલ સ્કોર અને અન્ય કેટેગરીમાં સામાન્ય શ્રેણી હેઠળ 'સોરરાય પોટ્રુ' નો સમાવેશ કરવામાં આવ્યો છે. આ ફિલ્મ આજે એકેડેમીના સ્ક્રીનિંગ રૂમમાં મોકલવામાં આવી હતી. રાજશેખરના આ ટ્વિટ પછી લોકો સોશ્યલ મીડિયા પર સૂર્યને અભિનંદન આપી રહ્યા છે.