પડદા પર ફરી જોવા મળશે શાહરૂખ - કાજોલ - રાનીની ત્રિપુટી!

મુંબઇ તા. ૨૧ : કરણ જોહરની ફિલ્મ 'કુછ કુછ હોતા હૈ'માં રાની મુખર્જી, કાજોલ અને શાહરૂખ ખાને મહત્વનો રોલ કર્યો હતો. જોકે, આ પછી ત્રણે એકસાથે કયારેય જોવા મળ્યા નથી. 'કભી ખુશી કભી ગમ'માં રાની ગેસ્ટ અપિયરન્સમાં હતી પરંતુ રાની મુખર્જી માટે 'કુછ કુછ હોતા હૈ'હંમેશા ખાસ રહેશે.

રાની મુખર્જી માટે આ ફિલ્મ ખાસ હોવાનું એ કારણ છે કે તેને આ ફિલ્મથી મોટો બ્રેક મળ્યો હતો. આથી ફરી એકવાર આનંદ એલ રાયે રાની મુખર્જી, કાજોલ અને શાહરૂખને લઇને 'કુછ કુછ હોતા હૈ'મોમેન્ટ રિક્રિયેટ કરી છે. આવું રાની મુખર્જી માની રહી છે. રાની મુખર્જીએ 'હિચકી'ના ટ્રેલર લોન્ચ સમયે જયારે તેને એ પૂછવામાં આવ્યું કે કાજોલ અને શાહરૂખ સાથે ફરીથી સ્ક્રીન શેર કરવાનું તેને કેવું લાગ્યું તો રાની મુખર્જીએ કહ્યું કે ખૂબ જ મજા આવી હતી. અમે ખૂબ જ મસ્તી કરી હતી અને હું તો એ પણ કહેવા ઇચ્છું છું કે અમારા ત્રણેય માટે આ 'કુછ કુછ હોતા હૈ'મોમેન્ટ હતી.

નોંધનીય છે કે તાજેતરમાં જ આનંદ એલ રાયની ફિલ્મ માટે રાની અને કાજોલે ફિલ્મનું શૂટિંગ કર્યું છે. એવા પણ ન્યૂઝ છે કે તે આ ફિલ્મમાં સ્પેશિયલ અપિયરન્સ કરવાની છે. બન્ને આ ફિલ્મમાં પણ એકટ્રેસ તરીકે જ જોવા મળશે. આ સાથે જ રાનીએ એ પણ સ્પષ્ટ કર્યું હતું કે તે આ ફિલ્મ માટે સોશિયલ સાઇટ્સ પર પણ આવશે. જોકે, તેની કોઇપણ પર્સનલ વાત સોશિયલ સાઇટ્સ પર નજર નહીં આવે. જેવી ફિલ્મ રીલિઝ થશે કે તે સોશિયલ મીડિયા પરથી દૂર થઇ જશે.

હાલ રાની પોતાની ફિલ્મ 'હિચકી'ને લઇને વ્યસ્ત છે. રાની સૌથી વધુ ખુશ એ બાબતે થઇ રહી છે કારણકે તેને એવો રોલ કરવાની તક મળી છે. જે આ પહેલા તેણે કયારેય કર્યો નથી. આ ફિલ્મ ૧૨ ફેબ્રુઆરીના રોજ રીલિઝ થશે.