ઘણા સમય બાદ કાર્તિક આર્યન અને સારા અલી ખાન વાતો કરતા જોવા મળ્યાઃ બંનેનેી તસવીરો સોશ્યલ મીડિયામાં વાયરલ
આજે કાર્તિક આર્યનની ફિલ્મ ‘ભુલ ભુલૈયા-2' રિલીઝ થઇ
મુંબઇઃ સારા અલી ખાન અને કાર્તિક આર્યન એ ઇવેન્ટમાં ઘણા સમય બાદ મળતા તસવીરો સોશ્યલ મીડિયામાં વાયરલ થતા ફેન્સમાં બંને વચ્ચે ઇલુ ઇલુની કોમેન્ટ થવા લાગી છે. યંગસ્ટરમાં આ જોડી લોકપ્રિય છે. લવ આજકલ-2 અને ભુલ ભુલૈયા-2 ફિલ્મમાં શાનદાર ભૂમિકા ભજવી છે.
બોલિવુડ સિતારાઓ વચ્ચે હંમેશાં કંઈકને કંઈક રંધાતું જ હોય છે. ત્યારે હાલ સારા અલી ખાન અને કાર્તિક આર્યન ચર્ચામાં છે. બન્ને વચ્ચે ઈલુ ઈલુના સમાચાર વહેતા થયા છે, ત્યારે કાર્તિક આર્યને જાતે આ મુદ્દા પર મૌન તોડીને એક નિવેદન આપ્યું છે. કાર્તિક આર્યનની બોલિવુડના ચાર્મિંગ અને ટેલેન્ટેડ સિતારાઓમાં ગણતરી થાય છે. યંગસ્ટર્સની વચ્ચે તેણી લોકપ્રિયતા ખુબ જ છે. ઘણી અભિનેત્રીઓ સાથે કાર્તિક આર્યનનું નામ જોડાઈ ચૂક્યું છે. એક સમય તે સારા અલી ખાનની સાથે રિલેશનમાં હોવાના અહેવાલો ચર્ચામાં હતા. બીજી બાજુ બન્ને જણાંએ પોતાના રિલેશન વિશે ક્યારેય ખૂલીને પોતાની વાત જણાવી નથી. જણાવી દઈએ કે કાર્તિક આર્યનની ફિલ્મ 'ભૂલ ભુલૈયા 2' આજે એટલે કે 20 મેના રોજ સિનેમાઘરોમાં રિલીઝ થઈ છે.
સારા અલી ખાન અને કાર્તિક આર્યેને વર્ષ 2020માં ફિલ્મ 'લવ આજ કલ 2'માં કામ કર્યું હતું. આ ફિલ્મના શૂટિંગ દરમિયાન બંનેના ડેટિંગના ઘણા સમાચાર આવ્યા હતા. જો કે, આ દરમિયાન બંનેએ ન તો તેમના સંબંધોને સ્વીકાર્યા કે ન તો નકારી કાઢ્યા. રિપોર્ટ્સ અનુસાર આ ફિલ્મ રિલીઝ થયા બાદ બંને અલગ થઈ ગયા હતા. ઈન્સ્ટાગ્રામ પર પણ એકબીજાને અનફોલો કરી દીધા છે. એવું પણ કહેવાય છે કે કાર્તિક અને સારાના સંબંધોના સમાચાર એ ફિલ્મ માટે પ્રમોશનલ ગિમિક છે. હવે કાર્તિકે આ અંગે પોતાની પ્રતિક્રિયા આપી છે.
કાર્તિક આર્યન એ આપ્યો જવાબ
એક ઈન્ટરવ્યુ દરમિયાન કાર્તિક આર્યને જવાબ આપતા કહ્યું કે એવું બિલકુલ નથી. કોઈ પ્રમોશન ન હતું. હું તમને કેવી રીતે સમજાવું? હું કહેવા માંગુ છું કે આપણે પણ માણસ છીએ. બધું પ્રમોશન નથી. હું આ વિષય પર એટલું જ કહેવા માંગુ છું. થોડા સમય પહેલા કાર્તિક અને સારા એક ઈવેન્ટમાં સાથે જોવા મળ્યા હતા. બંને સાથે વાત કરતા જોવા મળ્યા હતા. બંનેની તસવીરો સોશિયલ મીડિયા પર જોરદાર વાયરલ થઈ હતી.
કાર્તિક અને સારાની ફિલ્મો
જાણીતું છે કે કરણ જોહરના ચેટ શો 'કોફી વિથ કરણ'માં સારા અલી ખાને કહ્યું હતું કે તેમનો કાર્તિક આર્યન પર ક્રશ છે. સારાના આ નિવેદન બાદ #Sartik પણ ખૂબ ફેમસ થઈ ગયો. આ પછી કાર્તિક અને સારાએ ઈમ્તિયાઝ અલીની ફિલ્મ 'લવ આજ કલ 2'માં સાથે કામ કર્યું હતું, જે વર્ષ 2020માં રિલીઝ થઈ હતી. જોકે આ ફિલ્મ કંઈ ખાસ કરી શકી નથી. જણાવી દઈએ કે કાર્તિક આર્યનની ફિલ્મ 'ભૂલ ભુલૈયા 2' આજે એટલે કે 20 મેના રોજ સિનેમાઘરોમાં રિલીઝ થઈ છે. આ સિવાય કાર્તિક આર્યન 'કેપ્ટન ઈન્ડિયા', 'શહેજાદા'માં જોવા મળશે. બીજી તરફ, સારા અલી ખાને તાજેતરમાં વિકી કૌશલ સાથે એક ફિલ્મનું શૂટિંગ પૂર્ણ કર્યું છે.