19 જૂને OTT પર સ્ટ્રીમ થશે 'ભૂલ ભુલૈયા 2'

મુંબઈ: કાર્તિક આર્યન અને કિયારા અડવાણીની ભૂલ ભુલૈયા 2 બોક્સ ઓફિસ પર કંગના રનૌતની ફિલ્મ 'ધાકડ' ક્રેશ થયા બાદ OTT પર ટક્કર લેવા માટે તૈયાર છે. 'ભૂલ ભુલૈયા 2' નેટફ્લિક્સ પર 19 જૂન 2022ના રોજ સ્ટ્રીમ થશે. આ અંગે કાર્તિક આર્યને સોશિયલ મીડિયા પર એક પોસ્ટ શેર કરી અને કહ્યું, "'ભૂલ ભુલૈયા'ની સફર અત્યાર સુધી એકદમ શાનદાર રહી છે. હું ખૂબ જ રોમાંચિત છું કે આ ફિલ્મ નેટફ્લિક્સ પર પણ આગળ વધી છે. અમે નેટફ્લિક્સ પર છીએ. સાથે મળીને, અમે પ્રેક્ષકો અને વિશ્વભરના અમારા તમામ ચાહકોનું મનોરંજન કરવાનું ચાલુ રાખીશું."'ભૂલ ભુલૈયા 2', 2007ની ફિલ્મ 'ભૂલ ભુલૈયા'ની સિક્વલ છે, જેમાં અક્ષય કુમાર, વિદ્યા બાલન અને શાઇની આહુજાએ અભિનય કર્યો હતો. આ ફિલ્મ અનીસ બઝમી દ્વારા નિર્દેશિત છે અને ભૂષણ કુમાર, મુરાદ ખેતાની અને ક્રિશન કુમાર દ્વારા નિર્મિત છે. આ ફિલ્મમાં કાર્તિક આર્યન ઉપરાંત તબ્બુ અને કિયારા અડવાણી પણ મુખ્ય ભૂમિકામાં છે.