Gujarati News

Gujarati News

News of Thursday, 29th October 2020

ભારતી તમામ ચિંતા દુર કરી દે તેવી મિત્રઃ જસ્મીન ભસીન

ટીવી પરદાના બે જાણીતા ચહેરા જસ્મીન ભસીન અને કોમેડી કવીન ભારતીસિંહ અસલી જિંદગીમાં ખુબ સારી મિત્રતા ધરાવે છે.  જસ્મીન હાલમાં બિગ બોસને કારણે પણ ચર્ચામાં છે. જસ્મીન ભારતીને પોતાની સ્ટ્રેસ બસ્ટર તરીકે ઓળખાવે છે. અગાઉ ભારતી અને તેના પતિ હર્ષ લિમ્બચીયા સાથે જસ્મની ખતરા ખતરા ખતરા નામના શોમા અને ખતરો કે ખિલાડી તેમજ ફનહિત મેં જારી સહિતના શોમાં કામ કરી ચુકી છે. જસ્મીન હાલમાં બિગ બોસમાં છે. પણ ભારતીએ ફનહિત મેં જારી શો થકી દર્શકોનું મનોરંજન યથાવત રાખ્યું છે. જસ્મીન કહે છે-એક સારી દોસ્ત ખુબ જરૂરી હોય છે. ખતરો કે ખિલાડીએ મને હર્ષ અને ભારતીના રૂપમાં બે દોસ્ત આપ્યા છે. હું એકવાર તો ફનહિત...શોમાં ભારતીની મા બની હતી, એ કામ કરવામાં ખુબ મજા આવી હતી. મનોરંજનની દુનિયામાં જ્યાં બધા પૈસા અને પ્રસિધ્ધી પાછળ દોડતા હોય છે ત્યાં મિત્રો બનાવવા સરળ નથી હોતાં. જસ્મીન કબુલે છે કે ભારતી જ્યારે પણ મારી સાથે હોય છે મારો તમામ તણાવ ગાયબ થઇ જાય છે. ભારતી હમેંશા હસાવતી રહે છે. તેનું સેન્સ ઓફ હ્યુમર પણ ગજબનું છે. તેની સાથે વાત કરતી વખતે તમે તમારી દરેક ચિંતા ભુલી જાવ છો.

(9:21 am IST)
  • માનહાની કેસ : ભાજપ અગ્રણી કપિલ મિશ્રાએ દિલ્હીના સ્વાસ્થ્ય મંત્રી સત્યેન્દ્ર જૈનની બિનશરતી માફી માંગી : ફરીથી એવું નહીં થાય તેવી ખાતરી આપ્યા પછી કેસ માંડવાળ કરાયો : 2017 ની સાલમાં દિલ્હીના મુખ્યમંત્રી કેજરીવાલને 2 કરોડ રૂપિયાની લાંચ આપ્યાનો આક્ષેપ કર્યો હતો access_time 5:48 pm IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • બિહારમાં ૫૫ ટકા મતદાન બિહારમાં પ્રથમ તબક્કાની ચૂંટણીમાં ૫૫ ટકા આસપાસ મતદાન થયાના પ્રાથમિક અહેવાલો મળે છે access_time 7:55 pm IST