Gujarati News

Gujarati News

News of Wednesday, 25th November 2020

સ્કેમ-૧૯૯૨ માં હર્ષદ મહેતાના આઇકોનિક રોલ માટે પહેલા વરૃણ ધવનની પસંદગી કરાઇ હતી ત્યારબાદ પ્રતિક મહેતાનું નામ ફાઇનલ થયુ

મુંબઈ: હાલમાં જ ઓટીટી પ્લેટફોર્મ સોની લિવ પર રિલીઝ થયેલી વેબ સિરીઝ સ્કેમ 1992 એકમાત્ર એવી વેબ સિરીઝ છે જેને લોકોએ ફક્ત અને ફક્ત પ્રેમ આપ્યો છે. પ્રેમ પણ એવો કે IMDB પર 10માંથી 9.6 રેટિંગ મળ્યા છે. જો કે હાલ સોશિયલ મીડિયા પર એક એવી ખબર ઉડી કે સ્કેમ 1992માં હર્ષદ મહેતાની ભૂમિકા માટે પ્રતિક ગાંધીની જગ્યાએ વરુણ ધવન પહેલી પસંદ હતો. 

વાત જાણે એમ છે કે એક પોર્ટલ પર છપાયેલા આર્ટિકલને આધાર બનાવીને તૌહીદ નામના એક વ્યક્તિએ ટ્વીટ કરી કે 'શું તમે જાણો છો? સ્કેમ 1992માં હર્ષદ મહેતાના આઈકોનિક રોલ માટે વરુણ ધવન પહેલી પસંદ હતો. બાદમાં ડાઈરેક્ટર હંસલ મહેતાએ પ્રતિક મહેતાનું નામ સૂચવ્યું. ત્યારબાદ જે પણ થયું તે ઈતિહાસ છે.'

આ અંગે હવે અભિનેતા વરુણ ધવને પોતે જ સ્પષ્ટતા કરી છે. વરુણે ટ્વીટ કરીને કહ્યું કે આ વાતમાં કોઈ જ સચ્ચાઈ નથી. વરુણે લખ્યું કે વાસ્તવમાં તેમા કોઈ સચ્ચાઈ નથી. હું માનું છું કે આ શો માટે એકમાત્ર પસંદ પ્રતિક ગાંધી જ હોઈ શકે છે. તે ખરેખર બ્રિલિયન્ટ છે. સ્કેમ 1992નો હું મોટો ફેન છું.

અત્રે જણાવવાનું કે સ્કેમ 1992 વેબ સિરીઝ 1992ના સૌથી મોટા શેર માર્કેટ કૌભાંડ પર આધારિત છે. આ  કૌભાંડના મુખ્ય આરોપી હર્ષદ મહેતાની ભૂમિકા પ્રતિક ગાંધીએ ભજવી છે. સિરીઝ એકદમ સુપરહીટ સાબિત થઈ છે. વરુણ ધવનની વાત કરીએ તો હાલ તે પોતાની આવનારી ફિલ્મ કુલી નંબર-1ને સફળ બનાવવાની તૈયારીઓ કરી રહ્યો છે. 

(5:14 pm IST)
  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST

  • અમદાવાદમાં 45 નવા કન્ટેન્મેન્ટ ઝોન જાહેર : અમદાવાદ મ્યુનિસિપલ કોર્પોરેશને અમદાવાદ શહેરમાં 45 નવા માઇક્રો કન્ટેનમેન્ટ ઝોન જાહેર કર્યા. access_time 9:54 pm IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST