Gujarati News

અભિનેત્રી રવિના ટંડન કાસ્ટિંગ કાઉચ વિશે નિવેદન આપી ચર્ચામાં આવી ગઈ છે. એક ટીવી શોની મુલાકાત દરમિયાન રવિનાએ જણાવ્યું હતું કે આ વાત એવા લોકો સાથે થાય છે જેઓ સમજૂતી કરી લે છે. આ મામલે બંને લોકો એટલા જ જવાબદાર હોય છે. કાસ્ટિંગ કાઉચ પારસ્પરિક સમજૂતીથી જ થતા હોય છે. કામ માટે ડેસ્પ્રેટ લોકો કંઇપણ કરવાની તૈયારી સાથે જ નિર્માતા અને દિગ્દર્શકોને મળતા હોય છે. આ ડેસ્પ્રેટ લોકો સમજૂતીઓ કરતા અચકાતા નથી. કાસ્ટિંગ કાઉચ અને એક સહ કર્મચારીની રિલેશનશિપ અને યૌન ઉત્પીડન વચ્ચે ફરક સમજવો ખૂબ જ જરૂરી છે.

મારી અભિનીત ફિલ્મોના હીરો પણ મારાથી ડરતા હતા તેથી નસીબજોગે મારે આ બધી પ્રક્રિયામાંથી કયારેય પસાર થવં પડયું નથી. ફિલ્મના હીરો જ મારાથી દૂર રહેતા હતા એટલે મને ફિલ્મ જગતમાં કોઇપણ કડવો અનુભવ થયો નથી. ઓવર એમ્બિશિયસ અને ડેસ્પ્રેટ લોકો કામ માટે કોઇપણ સંબંધો બાંધવા તૈયાર થઈ જાય છે. ઇઝી સકસેસ માટે આ ઇઝી વે મનાય છે એમ આજના યુવાનો પણ માને છે. આ વાત માટે બંને પક્ષ જવાબદાર છે.