Gujarati News

Gujarati News

News of Tuesday, 24th November 2020

ગશ્મીર મહાજની પહોંચ્યો ટીવી પરદે : પ્રેમીનું પાત્ર

ટીવી પરદેથી ફિલ્મી પરદે પહોંચતા હોય તેવા અનેક કલાકારો છે. પણ એક કલાકાર એવો છે જે ફિલ્મી પરદેથી ટીવી પરદે આવ્યો છે. ચાર હિન્દી ફિલ્મો અને અનેક મરાઠી ફિલ્મોમાં કામ કરી ચુકલો અભિનેતા ગશ્મીર મહાજની ટીવી શોમાં ખાસ રોલ નિભાવી રહ્યો છે. સ્ટાર પ્લસના શો ઇમલીમાં તેને મહત્વનું પાત્ર મળ્યું છે. ઇમલી ટીવી શોમાં ઇમલીનો રોલ નિભાવતી અભિનેત્રીને કહાની મુજબ બે હીરો સાથે પ્રેમ થાય છે.

જેમાં એક હીરોનો રોલ ગશ્મીરને મળ્યો છે. ગશ્મીરે કહ્યું હતું કે ઓફર થતાં જ મેં આ શોમાં કામ કરવાની હા કહી દીધી હતી. કારણ કે ના કહી શકાય તેવો કોઇ પોઇન્ટ જ નહોતો. જિંદગીમાં એક જ વખત મળી શકે તેવો આ રોલ છે. તેની સાથે જોડાઇને હું મારી જાતને નસીબદાર સમજુ છું. ઇમલી મુળ બંગાળી શો ઇશ્તિ કુટુંબ પરથી બન્યો છે. સ્ટાર પ્લસનો આ બીજો શો એવો છે જે અન્ય ભાષાના શો પરથી બન્યો હોય.

(10:12 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST

  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST