Gujarati News

અભિનેતા નીતીશ ભલુનીએ તારક મહેતા કા ઉલ્‍ટા ચશ્‍મા શોમાં ટપુના પાત્ર તરીકે એન્‍ટ્રી કરી છે. ટપુનું પાત્ર ભજવી રહેલા રાજ અનડકટે શો છોડી દીધા પછી હવે તેની જગ્‍યાએ નીતીશ આ રોલ નિભાવી રહ્યો છે. નીતીશ કહે છે મને આ શોમાં ટપુનો રોલ સરળતાથી મળ્‍યો નથી. શરૂઆતથી જ  આ શો મારા દિલની નજીક છે. ૨૦૦૮થી મેં અને મારા પરિવારે તેને એકસાથે જોયો છે. મારા પિતા દિલીપજીને આ શો ખુબ ગમે છે. હું મુંબઈમાં કામ માટે સંઘર્ષ કરી રહ્યો હતો ત્‍યારે મારા માતા-પિતા મને ટપુ જેવા પાત્રો કરવા કહેતા હતા અને હવે હું આ રોલ સાચ્‍ચે જ કરી રહ્યો છું. તારક મહેતા કા ઉલ્‍ટા ચશ્‍મામાં ટપુની ભૂમિકા માટે નીતીશ ભલુનીને છ ઓડિશન, મોક ટેસ્‍ટ અને લૂક ટેસ્‍ટમાંથી પસાર થવું પડયું હતું. તે કહે છે આ બધુ પાર કર્યા પછી હું વ્‍યક્‍તિગત ઇન્‍ટરવ્‍યુ માટે હજાર થયો હતો. અસિતજીએ મારા માતા-પિતા સાથે પણ મુલાકાત કરી હતી. છેલ્લે મને સાઇન કરવામાં આવ્‍યો હતો.