Gujarati News

Gujarati News

News of Sunday, 22nd November 2020

ફિલ્મ ઈન્ડસ્ટ્રી છોડીને સના ખાને આખરે લગ્ન કરી લીધા

ગુજરાતના મૌલાના મુફ્તી અનાસ સાથે લગ્ન કર્યા : સના ખાનના લગ્નના ફોટા તેમજ વીડિયો ઇન્ટરનેટ ઉપર ઝડપથી વાયરલ થયા : ચાહકોએ અભિનંદન પાઠવ્યા

મુંબઈ, તા. ૨૨ : સલમાન ખાનની કો-સ્ટાર અને બિગ બોસની રનર અપ સના ખાને હાલમાં એક મોટો નિર્ણય લીધો હતો. તેના નિર્ણયથી બધાને આંચકો લાગ્યો હતો. સના ખાને હાલમાં જ ફિલ્મ ઈન્ડસ્ટ્રી છોડીને ધર્મના માર્ગે ચાલવાનો નિર્ણય લીધો હતો. તેના નિર્ણય પર ઘણી પ્રતિક્રિયા આવી હતી. આ સાથે જ હવે સના ખાને ફરી એકવાર બધાને ચોંકાવી દીધા છે. કારણ કે સના ખાનના લગ્ન ગુજરાતના મૌલાના મુફ્તી અનાસ સાથે થયા છે.

સના ખાનના લગ્નના ફોટા અને વીડિયો ઇન્ટરનેટ પર ઝડપથી વાયરલ થઈ રહ્યા છે. આ વીડિયોમાં સના ખાન અને મુફ્તી અનાસ વ્હાઇટ કલરના આઉટફિટમાં જોવા મળી રહ્યા છે. વીડિયોમાં સના ખાન કેક કાપતી જોવા મળી રહી છે. આ વીડિયોમાં અભિનેત્રી ખૂબ જ સુંદર લાગી રહી છે. સના ખાન અને મુફ્તી અનાસના લગ્ન પર લોકો તેમને અભિનંદન આપી રહ્યા છે.

ઉલ્લેખનીય છે કે, સના ખાને એક પોસ્ટ લખીને ફિલ્મ ઈન્ડસ્ટ્રી છોડવાની માહિતી આપી હતી. તેમણે લખ્યું: "આ જીવન ખરેખર મૃત્યુ પછીના જીવનને સુધારવાનું છે. અને તે વધુ સારું રહેશે જ્યારે માણસ ફક્ત સંપત્તિ અને ખ્યાતિ માટે નહીં, પરંતુ તેના સર્જકની કુશળતા અનુસાર જીવશે. ગુનાહિત જીવનમાંથી બચવાને બદલે મારે માનવતાની રક્ષા કરવી જોઈએ. તેથી જ આજે હું જાહેર કરું છું કે આજથી હું મારું 'શોબિઝલ્લ (ફિલ્મ ઈન્ડસ્જડ્રી) જીવનને અલવિદા કહી રહી છું

 

(7:57 pm IST)
  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST

  • ઈરાકમાં આતંકી હુમલો: આઠના મોત:બગદાદ: ઈરાકના સલાહાદિન પ્રાંતમાં આઈએસઆઈએસ આતંકીઓએ હુમલો કરતા 6 સૈનિકો સહિત 8 લોકો માર્યા ગયાના અહેવાલો મળે છે. (પ્રતીકાત્મક તસ્વીર) access_time 12:46 am IST