Gujarati News

મુંબઈ: ઐશ્વર્યા રાય-બચ્ચનને લઈને પ્રોડ્યુસર પ્રેરણા અરોરા ‘ફન્ને ખાન’ બનાવી રહ્યાં છે જે ૨૦૧૮માં ૧૫ જૂને રિલીઝ થશે.ઈદના તહેવારમાં એ જ દિવસે સલમાન ખાનની ‘રેસ ૩’ પણ રિલીઝ થવાની છે. આમ બે ફિલ્મોની બૉક્સ-ઑફિસ પર ટક્કર થશે. જોકે ઈદની રજાઓ વખતે બૉક્સ-ઑફિસ પર બે ફિલ્મોની ટક્કર બાબતે પ્રેરણા અરોરાને જાણકારી આપી પૂછવામાં આવ્યું ત્યારે તેમણે કહ્યું હતું કે ઐશ્વર્યાને રિલીઝ-ડેટ વિશે કોઈ વાંધો નથી. સલમાન ખાનની ફિલ્મ મોટા બજેટની ફિલ્મ છે. અમારી ફિલ્મ નાની અને સ્વીટ છે. મને લાગે છે કે અમને થિયેટરો મળી રહેશે. હમણાં મુશ્કેલી એ છે કે અમને થિયેટરો મળી રહ્યાં નથી. અમારી ફિલ્મો માટે અમને સોલો રિલીઝ મળી રહી નથી.