Gujarati News

ચિત્રાંગદા સિંહ માટે ગયું વર્ષ ખરાબ રહ્યું હતું. નવાજુદ્દિન સાથેની ફિલ્મનું શુટીંગ શરૂ થયા પછી ફિલ્મ છોડી દીધી હતી. એ પછી તે કોઇ ફિલ્મમાં જોવા મળી નહોતી. હવે તે નાના પરદે કામ કરી રહી છે. ચિત્રાંગદાને એક રિયાલીટી શોમાં કામ મળ્યું છે. જો કે તે સ્પર્ધક નહિ પણ જજ તરીકે આ શોમાં જોવા મળશે. ડાન્સ ઇન્ડિયા ડાન્સ લિટલ ચેૈમ્પસ નામના શોની ચોથી સિઝનમાં ચિત્રાંગદાને નિર્ણાયકોની પેનલમાં સ્થાન મળ્યું છે. તેનો આ પહેલો જ ટીવી શો હશે. દેશભરના પ્રતિભાશાળી ડાન્સર બાળકો આ શોમાં ભાગ લેવાના છે. અઢારમીથી શોનું શુટીંગ શરૂ થઇ ગયું છે.  ચિત્રાંગદા આગામી સમયમાં સાહેબ બીબી ઓૈર ગેંગસ્ટરમાં જોવા મળશે. તિગ્માંશુની આ ફિલ્મ છે. આ ઉપરાંત તે સૈફ અલી ખાન સાથે ફિલ્મ બાજારમાં પણ મહત્વના રોલમાં છે. તે પોતે એક ફિલ્મ સૂરમા પ્રોડ્યુસ પણ કરી રહી છે.