Gujarati News

વરૂણ ધવનના ચાહકો ખુબ લાંબા સમયથી તેની ફિલ્મની રાહ જોઇ રહ્યા છે. વરૂણ અને સારા અલી ખાનની ફિલ્મ કુલી નંબર ૧ બનીને તૈયાર છે. આ ફિલ્મ ડિજીટલ પ્લેટફોર્મ પર રિલીઝ થશે તેવી પણ તૈયારી છે. જો કે દિવાળીના તહેવાર સુધી આ માટે રાહ જોવી પડે તેમ છે. વરૂણ હવે નવા પ્રોજેકટ પણ હાથમાં લઇરહ્યો છે. નિર્માતા-નિર્દેશક સાજીદ નડિયાદવાલા સાથે હવે તે એક ફિલ્મ કરશે. આ ફિલ્મનું નામ 'સનકી' રખાયું છે. અગાઉ સાજીદ સાથે વરૂણે જૂડવા-૨ કરી હતી. આ ફિલ્મે વરૂણની તમામ ફિલ્મો કરતાં સોૈથી વધુ કમાણીનો રેકોર્ડ બનાવ્યો હતો. ત્રણ વર્ષ પછી ફરીથી સાજીદ સાથે વરૂણ જોડાયો છે. સનકી એ મસાલા એકશન ફિલ્મ છે. રજત અરોરાએ આ ફિલ્મની સ્ક્રિપ્ટ લખી છે. જે તૈયાર થતાં જ સાજીદ નડિયાદવાલાએ વરૂણને ઓફર કરી હતી. વરૂણે તુરત જ કામ કરવાની હા કહી ડિલ સાઇન કરી લીધી હતી. ફિલ્મનું કામ શરૂ થાય એ પહેલા બે મહિના વરૂણને તૈયારી કરવી પડશે.