Gujarati News

Gujarati News

News of Thursday, 17th September 2020

બિચ્છુની સિકવલ બનાવવાની તૈયારી

બોબી દેઓલની નવી ઇનિંગ સડસડાટ આગળ વધી રહી છે. વર્ષો સુધી ફિલ્મોથી દૂર રહ્યા બાદ સલમાન ખાન સાથે રેસ ફિલ્મથી કમબેક કરનાર બોબી હાલમાં તો એક પછી એક વેબ સિરીઝમાં કામ કરી રહ્યો છે. આ વેબ સિરીઝ સફળ પણ થઇ રહી છે. એક સમય હતો જ્યારે બોબીની ફિલ્મોના અસંખ્ય ચાહકો હતાં. હજુ પણ તેના ચાહકો તેને સતત નવી ફિલ્મોમાં જોવા ઇચ્છતા હોય છે. આવા ચાહકો માટે બોબી દેઓલની સુપરહિટ ફિલ્મ બિચ્છુની સ્કિવલ આવી રહી છે. નિર્દેશક ગુડ્ડુ ધનોઆની આ ફિલ્મ વર્ષ ૨૦૦૦માં આવી હતી. જેમાં બોબી સાથે રાની મુખર્જી મુખ્ય રોલમાં હતી. ગુડ્ડુએ કહ્યું હતું કે બિચ્છુ મારા માટે એક ફિલ્મ કરતાં પણ કંઇક વધારે છે. લોોકો આજે પણ ટીવી અને ડિજીટલ પ્લેટફોર્મ પર આ ફિલ્મ જોઇને મને પ્રસંશાના મેસેજ કરતાં રહે છે. આથી જ મેં બિચ્છુની સિકવલ બનાવવાની તૈયારી શરૂ કરી દીધી છે અને તેનું કામ કરી રહ્યો છું. કલાકારો અને પ્રોડકશન હાઉસ સાથે પણ વાત થઇ રહી છે. બિચ્છુ-૨નો પ્લોટ પણ તૈયાર છે.

 

 

(10:00 am IST)
  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • " સર કટા શકતે હૈ ,લેકિન સર ઝુકા શકતે નહીં " : હું ક્ષત્રિયાણી છું : સ્વમાનના ભોગે સિદ્ધાંતમાં બાંધછોડ નહીં કરું : રાષ્ટ્રના સન્માન માટે અવાજ ઉઠાવીશ : રાષ્ટ્રવાદી તરીકે જીવીશ : જયહિન્દ : કંગના રનૌતનું ટ્વીટ access_time 1:00 pm IST