Gujarati News

પોૈરાણિક ટીવી શોને પસંદ કરતાં ચાહકો માટે 'દેવી આદી પરાશકિત' ૨૩ ઓકટોબરથી ફરીવાર શરૂ થઇ રહ્યો છે. રતિ પાંડે અને તરૂણ ખન્નાની મુખ્ય ભુમિકા ધરાવતો આ શો દશેરા પછી દંગલ ચેનલ પર શરૂ થશે. આ શો અગાઉ ફેબ્રુઆરી માસમાં પ્રસારીત થયો હતો. પરંતુ બાદમાં કોરોનાને કારણે શુટીંગ અટકાવી દેવું પડ્યું હતું. હવે ફરીથી છ મહિના પછી આ શો ટીવી પરદે જોવા મળશે. શોમાં રતિ પાંડે દેવીની ભુમિકામાં છે. તેણે કહ્યું હતું કે આ શો ત્યારે હિટ બની ગયો હતો. પણ લોન્ચીંગ થયાના બીજા જ મહિને કોરોના મહામારી આવી પડતાં અને લોકડાઉન અમલમાં આવતાં શુટીંગ અટકી ગયું હતું. હવે અમે ખુશ છીએ કે જ્યાં આ શો અટકી ગયો હતો ત્યાંથી જ આગળ વધારીશું. મહાદેવના રોલમાં તરૂણ ખન્ના છે. તે કહે છે હું ઉત્સાહિત છું કે આ શો ફરીથી શરૂ થઇ રહ્યો છે. આ દિવસની ઘણા સમયથી રાહ હતી. દર્શકોનો પ્રેમ અમને સતત મળતો રહેશે તેવી આશા છે.