Gujarati News

Gujarati News

News of Sunday, 15th November 2020

કપિલ શર્માની દીકરી સાથે પહેલી દિવાળીની ઉજવણી

કપિલ શર્માએ સુંદર તસવીરો શેર કરી : દિવાળી સેલિબ્રેશનની તસવીરો સોશિયલ મીડીયા ઉપર છવાઈ છે ત્યારે કપિલની તસવીર પણ દિલ જીતી લે તેવી છે

મુંબઈ,તા.૧૫ : દિવાળીના તહેવારની ઉજવણી સમગ્ર દેશમાં ધૂમધામથી થઈ રહી છે. દરમિયાન સોશિયલ મીડિયા પર સેલેબ્સની દિવાળી સેલિબ્રેશનની તસવીરો પણ છવાઈ છે. કપિલ શર્માની દીકરી અનાયરાની પહેલી દિવાળી હતી. તેણે સોશિયલ મીડિયા પર ખૂબ સુંદર તસવીર શૅર કરી હતી. જેણે ફેન્સનું દિલ જીતી લીધું છે. કોરોનાએ દિવાળીનું જોશ ઓસરવા દીધું નથી. લોકોએ ભલે મોટી મોટી પાર્ટી રાખી હોય પરંતુ ફેમિલી સાથે તો તહેવારની ધામધૂમથી ઉજવણી કરી છે. કપિલ શર્માએ માતા, પત્ની અને દીકરી અનાયરા સાથે સુંદર તસવીરો શૅર કરી હતી. કપિલની ફેમિલી કાળા આઉટફીટમાં જોવા મળે છે. તસવીરો સાથે કપિલે કેપ્શન પણ આપ્યું છે. જેમાં લખ્યું છે કે ,'મારા અને મારા પરિવાર તરફથી તમને અને તમારા પરિવારને દિવાળીની શુભકામનાઓ. કપિલ શર્માની દીકરી અનાયરાનો જન્મ ડિસેમ્બર ૨૦૧૯માં થયો હતો. કપિલ પોતાના ચેટ શોમાં તેની વાતો શૅર કરતો રહે છે. તેણે જણાવ્યું હતું કે, દીકરીના કારણે લોકડાઉનમાં તેને કંટાળો આવ્યો નહોતો. બાકી તો મુશ્કેલી થઈ જાત. કપિલે એક રસપ્રદ કિસ્સો જણાવ્યો હતો કે તેના ઘરે દરેક હિંદી, અંગ્રેજી અને પંજાબી બોલે છે. જોકે, તેની દીકરી બંગાળી ભાષા પર વધુ રિએક્શન આપે છે. જેનું કારણ જણાવતા તેણે કહ્યું હતું કે, અનાયરાની આયા બંગાળી છે.

(3:55 pm IST)
  • કાશ્મીરની સમગ્ર સરહદે તમામ સેકટરો ઉપર, નીલમ-લીપા અને જેલમ વેલી ઉપરાંત બાગ સેક્ટરમાં, ભારતીય જવાનોએ મોતનો વરસાદ વરસાવ્યો છે :આ તમામ સરહદી વિસ્તારો ખૂબ જ ખરાબ રીતે નિશાન બન્યા છે પાકિસ્તાનનું લશ્કર જાણે સૂતું હોય તેવી સ્થિતિ છે: પાકિસ્તાન કબજા ગ્રસ્ત કાશ્મીરના ડમી રાષ્ટ્રપતિ કહે છે. access_time 10:55 pm IST

  • કેરળમાં સબરીમાલામાં સ્વામી અયપ્પા મંદિર કાલથી શ્રદ્ધાળુઓ માટે ખુલશે: કેરળનું સબરીમાલા મંદિર આજથી ખુલ્યું. શ્રદ્ધાળુઓ કાલથી દર્શન કરી શકશે access_time 12:05 am IST

  • સોમવારથી મહારાષ્ટ્રમાં તમામ ધાર્મિક સ્થળો ખુલશે : સ્કૂલો પણ ટૂંક સમયમાં ખોલવાની મંજૂરી અપાશે : કોવિદ -19 ના નિયમોનું પાલન કરવાની સૂચના સાથે ઉદ્ધવ સરકારની ઘોષણાં access_time 5:40 pm IST