News of Wednesday, 14th February 2018

ઓસ્ટ્રેલિયા ટૂરિઝમની બ્રાન્ડ એમ્બેસેડર બની પરિણીતી ચોપડા

મુંબઈ: ઇશકજાદે જેવી ફિલ્મમાં ઉત્કૃષ્ટ અભિનયનો જલવો બતાવી ચૂકેલી પરિણીતિ ચોપરાને યુવા દિલોની ધડકન માનવામાં આવે છે. આવામાં સોશિયલ મીડિયા પર શેર થતી તેની તસવીરો ફેન્સને ખૂબ પસંદ આવે છે. પરિણીતિએ ઇન્સ્ટાગ્રામ પર એક તસવીર શેર કરી, જેમાં તે બિકિનીમાં દેખાય છે. તેને તાજેતરમાં ઓસ્ટ્રેલિયા ટૂરિઝમની બ્રાન્ડ એમ્બેસેડર બનાવાઇ છે. ૨૯ વર્ષીય પરિણીતિએ ઓસ્ટ્રેલિયા ટૂરિઝમ માટે જે ફોટોશૂટ કરાવ્યું હતું તે ફોટા સોશિયલ મીડિયામાં ખૂબ જોવાયા.ફિલ્મી કરિયરની બાબતમાં પરિણીતિની ગાડી એક વાર ચાલી નીકળી છે. તેની ઝોળીમાં એક પછી એક ઘણી ફિલ્મ આવી રહી છે. તેના ફેન્સ માટે મોટા સમાચાર છે કે તે અક્ષયકુમારની સાથે 'કેસરી' ફિલ્મમાં જોવા મળશે. ફિલ્મ નિર્માતા કરણ જોહરે ટ્વિટર પર સમાચારને સમર્થન આપ્યું છે. કરણે ટ્વિટર પર પરિણીતિને ટેગ કરતાં કહ્યું કે ફિલ્મ 'કેસરી'ની મુખ્ય અભિનેત્રી પરિણીતિ ચોપરા છે. ફિલ્મ સારાગઢીના યુદ્ધ પર આધારિત છે.અક્ષયે થોડા દિવસ પહેલાં ફિલ્મનો ફર્સ્ટ લુક જારી કર્યો હતો. 

 

લુકમાં અક્ષય શીખના પાત્રમાં છે અને કેસરી રંગની પાઘડી પહેરેલો જોવા મળે છે. તેણે પોતાની એક તસવીર શેર કરતાં અસીમિત ગર્વ અને આભાર વ્યક્ત કર્યો. તેણે કહ્યું કે નવા વર્ષ ૨૦૧૮ની શરૃઆત હું મહત્ત્વાકાંક્ષી પ્રોજેક્ટ અને ફિલ્મ 'કેસરી'થી કરી રહ્યો છું. તમારી દુઆઓ અને પ્રેમની હંમેશાં જરૃર રહેશે.

 

(3:42 pm IST)
  • અમદાવાદના જુહાપુરામાંથી લાખોની કિંમતનું ડ્રગ્સ ઝડપાયું : ૯II કિલો ચરસ સાથે ૩ની ધરપકડઃ મુંબઇથી મંગાવાયેલ હતું: નાર્કો વિભાગ- એનસીબીને મોટી સફળતા access_time 4:09 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • આજે વર્ષનું પહેલુ સૂર્યગ્રહણ : ભારતમાં નહિં દેખાય : રાત્રે ૧૨:૨૫ થી શરૂ થશે સૂર્યગ્રહણ access_time 3:40 pm IST