Gujarati News

મિસ ઇન્ડિયા વર્લ્ડ રહી ચુકેલી અને બોલીવૂડની ફિલ્મોમાં કામ કરી ચુકેલી પૂજા ચોપડાએ કહ્યું હતું કે જ્યારે કોઇ છોકરીઓની શકિતને ઓછી આંકે છે ત્યારે તેનું લોહી ઉકળી ઉઠે છે. પૂજા એવી દિકરી છે જ્યારે તે તેની માતાની કોખમાં હતી ત્યારે જ પિતાએ કહી દીધુ હતું કે તેને દિકરી નથી જોઇએ. તેના જન્મના વીસ જ દિવસ પછી તેની માતાને ઘરમાંથી કાઢી મુકાઇ હતી. આજે એ જ પૂજા બોલીવૂડમાં અભિનેત્રી છે.

આગામી ફિલ્મ અય્યારીમાં પૂજા ખાસ ભૂમિકામાં જોવા મળશે. તે કેપ્ટન માયા સેમવાલના રોલમાં છે. જે કર્નલ અભયસિંહ એટલે કે મનોજ બાજપેાઇ અને મેજર જય બખ્સી એટલે કે સિધ્ધાર્થ મલ્હોત્રા વચ્ચેખી ખાસ કડીનું કામ કરે છે.  પૂજા કહ છે હું ફિલ્મમાં બે-ચાર સિન અને બે-ત્રણ ગીતો પુરતો રોલ કરવા નથી ઇચ્છતી. મેં કમાન્ડો કરી હતી ત્યારે એ રોલ સીધી સાદી હિરોઇનનો નહોતો. અય્યારીમાં પણ મારો રોલ ખુબ મજબુત છે. હું ખુશ છું કે પ્રિયંકા, વિદ્યા, દિપીકા, કંગના દમદાર ભૂમિકા નિભાવી રહી છે.