News of Tuesday, 13th February 2018

'પેડમેન' પછી હવે અક્ષય બનશે 'મિલ્કમેન'

મુંબઈ:ફિલ્મ પેડમેનની રીલીઝ અને ફિલ્મને મળી રહેલ દર્શકોના પ્રતિસાદ બાદ હવે અભિનેતા અક્ષય કુમાર પાસે વધુ એક બાયોપિકની ઓફર આવી છે. સુત્રોના જણાવ્યા મુજબ, મિલ્કમેનના નામથી જાણીતા ડો.વર્ગીસ કુર્રીયનના જીવન પર બની રહેલ ફિલ્મમાં અભિનેતા અક્ષય કુમાર મુખ્ય પાત્રમાં નજરે પડી શકે છે. ડો.કુર્રીયનને શ્વેતક્રાંતિના પ્રણેતા તરીકે પણ ઓળખવામાં આવે છે. 

 

એક્તા કપૂરે ડો.વર્ગીસ કુર્રીયનની જીવન પર આધારીત પુસ્તકના રાઈટ્સ ખરીદી લીધા છે અને તે ટૂંક સમયમાં કુર્રીયનના જીવનને બાયોપિક ફિલ્મ દ્વારા રુપેરી પડદે રજુ કરે તેવી યોજના ધરાવે છે. એક્તા કપુર ફિલ્મમાં કુર્રીયનના પાત્ર માટે અક્ષય કુમારને લેવાની ઇચ્છા ધરાવે છે અને માટે તેણે અક્ષયનો સંપર્ક પણ સાધ્યો હોવાનુ જાણવા મળ્યુ છે. 
અક્ષયકુમારે ગત વર્ષે ટોયલેટ એક પ્રેમકથા અને હાલમાં રીલીઝ થયેલ પેડમેન જેવા સામાજિક મુદ્દાઓને ઉજાગર કરતી ફિલ્મો કરી છે. તે જોતા એક્તા કપુર અક્ષયકુમારને પોતાની આગામી ફિલ્મ માટે ફિટ માની રહી છે. જોકે હજી સુધી અક્ષય કુમાર દ્વારા ફિલ્મ અંગે કોઈ સ્પષ્ટતા કરવામાં આવી નથી. એક્તા કપુરની ફિલ્મનું ડાયરેક્શન શ્રીનારાયણસિંહ કરશે.

(5:01 pm IST)
  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST

  • હજારો કરોડના પંજાબ નેશનલ બેન્કના કૌભાંડમાં નિરવ મોદીને ત્યાં દરોડા : મુંબઈમાં એન્ફોર્સમેન્ટ ડાયરેકટોરેટના ત્વરિત પગલા : નિરવ મોદીના ઘરે અને ઓફીસે ૧૦ થી ૧૨ સ્થળો પર ઈડીએ શરૂ કર્યુ સર્ચ ઓપરેશન : પંજાબ નેશનલ બેન્કના ૧૧ હજાર ૪૦૦ કરોડના કૌભાંડની તપાસનો જબરો ધમધમાટ : અનેકને રેલો આવશે access_time 12:24 pm IST