News of Sunday, 14th January 2018

શ્રદ્ધા કપૂરને એક પ્રશંસકે સ્ક્રેપ બુક ભેટમાં આપી

મુંબઇ:  અભિનેત્રી શ્રદ્ધા કપૂર ફિલ્મ સાહોમાં અભિનેતા પ્રભાસ સાથે લીડ રોલમાં જોવા મળવાની છે. ફિલ્મમાં પ્રભાસ સાથે હોવાથી અભિનેત્રી અત્યારથી સતત લાઇમલાઇટમાં રહેવા માંડી છે. શ્રદ્ધા સોશિયલ મીડિયા તેમ જ પોતાના ચાહકો સાથે સંવાદ સાધવામાં ખૂબ જ અગ્રેસર છે. શ્રધ્ધા પોતાની આગામી ફિલ્મ માટે જિમમાં તનતોડ મહેનત કરતી જોવા મળી રહી છે. શનિવારે વહેલી સવારે જયારે તે જિમમાં પહોંચી ત્યારે તેની એક પ્રશંસક તેને માટે સ્ક્રેપ બુક લઇને આવી હતી. આ પ્રશંસકે પોતાના હાથોથી શ્રધ્ધા અભિનીત ફિલ્મની માહિતી તેમ જ અભિનેત્રી વિશેની તમામ માહિતી સ્ક્રેપ બુકમાં લખી હતી. આ જોઇને અભિનેત્રી ખૂબ જ ખુશ થઇ હતી. આ જાણકારી અભિનેત્રીએ સોશિયલ મીડિયા પર કેટલીક તસવીરો અપલોડ કરીને જાહેર કરી હતી.

(12:34 pm IST)
  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST

  • મિઝોરમમાં 4થી વધુ બાળકો પેદા કરનારા મિઝો દંપત્તિઓને ઇનામ આપશે પ્રેસ્બિટેરિયન ચર્ચ અને ધ બેપ્ટિસ્ટ ચર્ચ ઓફ મિઝોરમ : મીડિયામાં આ બાબતે વિવાદ ઉભો થતા બન્ને ચર્ચ હવે કરશે પાછી નિર્ણયની સમીક્ષા access_time 4:42 pm IST

  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:48 am IST