News of Sunday, 14th January 2018

મારી ફિલ્‍મની મોટી સફળતા અે જ છે કે તેની ચારેબાજુ ચર્ચા થતી હોય : અક્ષયકુમાર

અભિનેતા અક્ષયકુમાર અભિનીત ફિલ્મ પેડમેન ૨૫ જાન્યુઆરીએ ભારતભરમાં રિલીઝ થવાની છે. ફિલ્મનું પ્રમોશન ખૂબ જ જોરશોરથી થઇ રહ્યું છે. અક્ષયે એક મુલાકાત દરમિયાન જણાવ્યું હતું કે ફિલ્મ પેડમેન રિલીઝ પહેલાં જ હિટ થઇ ગઇ છે. આજે સંપૂર્ણ દેશમાં મારી ફિલ્મ વિશે ચર્ચા થઇ રહી છે. આ જ મારી ખરી જીત છે. હું એ જાણીને ખુશ છું કે પુરૂષો તેમ જ યુવાનો સેનિટરી નેપ્કિન વિશે વાતો કરી રહ્યા છે. મારે માટે મારી ફિલ્મ પેડમેન રિલીઝ થયા બાદ સો કરોડની કલબમાં સામેલ થાય તે મહત્ત્વનું નથી. મારે માટે મહત્ત્વનું એ છે કે આ દેશ જાગ્રત થાય અને તે થઇ રહ્યો છે. ફિલ્મની જીત તો અત્યારથી થઇ ગઇ છે. મારા માટે નાણાં કમાવવા મોટી વાત નથી. દેશ હવે સામે ચાલીને આ વિશે વાત કરશે અને ઘરોમાં ચર્ચા થશે તે વાતથી હું ખૂબ જ ખુશ છું. ફિલ્મ પેડમેન અરૂણાચલમ મુરૂગનાથમના જીવન પર બની છે જેમણે મહિલાઓ માટે સસ્તા સેનિટરી નેપ્કિન્સ માટે મશીનનું નિર્માણ કર્યું હતું.

(12:34 pm IST)
  • મિઝોરમમાં 4થી વધુ બાળકો પેદા કરનારા મિઝો દંપત્તિઓને ઇનામ આપશે પ્રેસ્બિટેરિયન ચર્ચ અને ધ બેપ્ટિસ્ટ ચર્ચ ઓફ મિઝોરમ : મીડિયામાં આ બાબતે વિવાદ ઉભો થતા બન્ને ચર્ચ હવે કરશે પાછી નિર્ણયની સમીક્ષા access_time 4:42 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છે જ access_time 11:48 am IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી access_time 10:20 am IST