Gujarati News

ડરામણી ફિલ્મો આપવા માટે વિક્રમ ભટ્ટ જાણીતા છે. તેણે વધુ એક હોરર ફિલ્મ બનાવી છે જેનું નામ '૧૯૨૧' રખાયું છે. આ ફિલ્મનું ટ્રેલર પણ રિલીઝ થઇ ગયું છે.   અગાઉ વિક્રમે ૧૯૨૦ નામની હોરર ફિલ્મ બનાવી હતી. હવે પછીની ફિલ્મમાં ઝરીન ખાન અને કરણ કુંદ્રા મુખ્ય ભૂમિકામાં છે.  વિક્રમે ૨૦૧૨માં ૧૯૨૦-એવિલ રિટર્ન્સ બનાવી હતી. એ પછી ૨૦૧૬માં ૧૯૨૦-લંડન બનાવી હતી. હવે ૧૯૨૧ નામની ફિલ્મ બનાવી છે. વિક્રમની આ હોરર ફિલ્મ ૧૨મી જાન્યુઆરીના રોજ રિલીઝ થવાની છે. એ જ દિવસે અનુરાગ કશ્યપની મુક્કાબાજ અને સૈફ અલી ખાનની કાલાકાંડી પણ રિલીઝ થવાની છે. રાઝ, રાઝ રીબૂટ, હોન્ટેડ થ્રીડી સહિતની ફિલ્મો આપી ચુકેલા વિક્રમની આ નવી ફિલ્મનું ટ્રેલર ખુબ ડરામણું છે.