News of Saturday, 13th January 2018

કેટરીનાની બહેનને ચમકાવશે સલમાન ખાન

મુંબઇ:સુપર સ્ટાર સલમાન ખાન પોતાની લાડકી અભિનેત્રી કેટરિના કૈફની બહેન ઇસાબેલાને સૂરજ પંચોલી સાથે આગામી એક ફિલ્મમાં ચમકાવશે એવી માહિતી મળી હતી. અત્યાર અગાઉ સલમાન ખાને સુભાષ ઘાઇની હિટ ફિલ્મ હીરોની રિમેકમાં સૂરજને ચમકાવ્યો હતો પરંતુ એ ફિલ્મે બોક્સ ઑફિસ પર કંઇ ઉકાળ્યું નહોતું. હવે એ સૂરજને ફરી એકવાર તક આપશે અને આ વખતે કેટરિનાની બહેન ઇસાબેલા સાથે સૂરજને ચમકાવશે એવી જાણકારી મળી હતી.અગાઉ ઇસાબેલાએ સલમાન ખાન નિર્મિત ફિલ્મ ડૉક્ટર કેબીમાં રોલ કર્યો હતો. કેનેડામાં વસતા એક ભારતીય ડૉક્ટરે પોતાની ટેક્સીમાં દવાખાનું ચલાવીને સમાજસેવા કરી હતી એવી કથા આ ફિલ્મમાં હતી અને ફિલ્મ હિટ નીવડી હતી. જો કે સૂરજ અને ઇસાબેલાને સાથે ચમકાવતી ફિલ્મના નિર્માતા ટી સિરિઝના ભૂષણ કુમાર અને સલમાનના બનેવી અતુલ અગ્નિહોત્રી છે, સલમાન ખાન નથી. પરંતુ આ ફિલ્મમાં સલમાન હીરો છે. યસ, આ વાત ફિલ્મ ભારતની છે જેમાં સલમાન મુખ્ય રોલ કરી રહ્યો છે. આ ફિલ્મનું ડાયરેક્શન ટાઇગર જિંદા હૈ ફેમ અલી અબ્બાસ ઝફર ટી સિરિઝ અને સલમાનના બનેવી અતુલ અગ્નિહોત્રી માટે કરી રહ્યા છે.
 

(5:27 pm IST)
  • કર્ણાટકના ઉદ્યોગમંત્રીએ બેંગલુરુને દેશની બીજી રાજધાની બનાવવાની માગણી કરી access_time 11:57 am IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST