Gujarati News

Gujarati News

News of Thursday, 8th February 2018

એડ ફિલ્મમાં સાથે કામ કરશે આમિર ખાન-રણવીર સિંહ

મુંબઇ: બોલિવૂડના મિસ્ટર પરફેક્શનિસ્ટ અભિનેતા આમિર ખાન અને ટોચનેા અભિનેતા રણવીર સિંઘ નજીકના ભવિષ્યમાં પરદા પર સાથે દેખાશે. રખે એમ માનતા કે બંને કોઇ ફિચર ફિલ્મ કરવાના છે. વાસ્તવમાં એક મોબાઇલ કંપનીએ આ બંનેને પોતાની એડ ફિલ્મ માટે ભેગા કરવાની અને બોલિવૂડમાં જેને કાસ્ટિંગ કૂ કહે છે એવી સિદ્ધિ મેળવી હોવાની માહિતી મળી હતી. આ માહિતી આપનારા સૂત્રે કહ્યંુ કે સંબંધિત કંપનીની સ્ક્રીપ્ટ ખાસ્સી રમૂજી છે અને આ બંને કલાકારો તરત સાથે કામ કરવા સંમત થઇ ગયા હતા. જો કે હાલ આ બંને કલાકારો બીઝી છે એટલે વહેલામાં વહેલું આ એડ ફિલ્મનું શૂટિંગ બે મહિના પછી થવાની શક્યતા છે એમ આ સૂત્રે વધુમાં કહ્યું હતું. આમિર ખાન હાલ યશ રાજની વિજય કૃષ્ણ આચાર્ય નિર્દેશિત ફિલ્મ ઠગ્સ ઑફ હિન્દુસ્તાન કરી રહ્યો છે જ્યારે રણવીર સિંઘ હાલ ઝોયા અખ્તરની ગલી બૉય કરી રહ્યો છે. એ ઉપરાંત રણવીરને ટોચના ફિલ્મ સર્જક રોહિત શેટ્ટીએ પોતાની સિમ્બા માટે પણ લીધો છે અને સિમ્બાનું કામ પણ શરૃ થઇ ચૂક્યું છે. તાજેતરમાં રજૂ થયેલી અને ગણતરીના દિવસોમાં ૨૦૦ કરોડ કમાઇ ચૂકેલી સંજય લીલા ભણસાલીની પદ્માવતના પગલે હાલ રણવીર સિંઘ ફૂલ ફોર્મમાં છે.
 

(4:37 pm IST)
  • દિલ્હી સરકારે લાગુ કર્યો આનંદ મેરેજ એકટઃ શિખ સમુદાયનું લગ્નનું રજીસ્ટ્રેશન હવે હિન્દુ મેરેજ એકટને બદલે આનંદ મેરેજ એકટ હેઠળ થશેઃ સરકારે વર્ષો જુની માંગણી પુરી કરી access_time 11:45 am IST

  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST