News of Wednesday, 7th February 2018

માનદ ઉપાધિથી થશે વીર દાસનું સન્માન

મુંબઇ: સ્ટેન્ડ અપ કોમેડિયન કમ અભિનેતા વીર દાસને એ જે યુનિવર્સિટીમાં ભણ્યો હતો એના તરફથી માનદ્ ડૉક્ટરેટ એનાયત કરાશે એવી ઔપચારિક જાહેરતા કરાઇ હતી. વીર દાસે ઇલીનોય (અમેરિકા)ની ગેલ્સબર્ગ યુનિવર્સિટીમાં અભ્યાસ કર્યો હતો. તાજેતરમાં એ પોતાની વીર દાસ વર્લ્ડ ટુર શરૃ કરવામાં હતો ત્યારે જ આ જાહેરાત આવી પડતાં એનો ઉત્સાહ બેવડાઇ ગયો હતો. ચાલુ વર્ષના જૂનમાં યોજાનારા એક સમારોહમાં વીરને આ ડિગ્રી એનાયત કરાશે. યોગાનુયોગે યુનિવર્સિટીની કોમેન્સમેન્ટ સેરિમનીમાં વીર પ્રવચન પણ આપશે. આ રીતે કોમેન્ટસમેન્ટ સ્પીકર તરીકે પ્રવચન આપનાર વીર દાસ ૧૯૭૧ પછી આવો પહેલો ભૂતપૂર્વ વિદ્યાર્થી હશે. આ અંગે વીર દાસે કહ્યું હતું કે મારા જેવા મધ્યમવર્ગી વિદ્યાર્થી માટે અમેરિકામાં રહીને ભણવાનું નોક્સમાં આવેલી આ યુનિવર્સિટીના સહકાર વિના શક્ય ન બન્યું હોત. માતાપિતા સંતાનને સાચવે એ રીતે અમને યુનિવર્સિટીએ સાચવ્યા હતા.

(4:50 pm IST)
  • મહેસાણામાં ધારાસભ્યના કાર્યાલય પર તોડફોડના મામલે કોર્ટમાં હાર્દિક અને લાલજી પટેલની હવે ૨૮મીએ સુનાવણીઃ ધારાસભ્યની જુબાની રાયોટીંગના ગુનાની કરાઇ હતીઃ કોર્ટમાં કાર્યવાહીમાં બે અરજીઓ મંજૂર access_time 2:12 pm IST

  • એશિયાના સૌથી મોટા વ્યૂહાત્મક એરબેસ પરથી ફ્રાન્સની વાયુસેનાના પ્રમુખે ભારતમાં નિર્માણ પામેલા ફાઈટર જેટ તેજસથી ઉડ્ડયન કર્યું હતું. રાજસ્થાનના જોધપુર એરબેસ પરથી ફ્રાન્સના એર ચીફ માર્શલ આંદ્રે લેનાટોએ કો-પાયલટ તરીકે ભારતમાં નિર્મિત ફાઈટર જેટ તેજસમાં ઉડાણ કર્યું હતું. access_time 7:37 pm IST

  • ચુંટણી પંચનો સ્પે. ઓર્ડર..એક માસનો વધારાનો પગાર મળશેઃ ર૦૧૭ ની વિધાનસભા ચુંટણીમાં ખાસ રોકાયેલ અને ઓર્ડર જેનો ચુંટણી માટે થયો હતો તેવા તમામ નાયબ મામલતદાર-મામલતદાર-ડે.કલેકટર-કલેકટરને ડીસેમ્બર માસનો એક વધારાનો ખાસ પગાર-મોંઘવારી ભથ્થું મળશેઃ પરીપત્ર આવી ગયો access_time 11:38 am IST