Gujarati News

મુંબઈ: પાકિસ્તાની પ્રખ્યાત અભિનેત્રી તથા સિંગર સુમબુલ ખાનની ગોળી મારીને કરપીણ હત્યા કરવામાં આવી છે. સુમબુલને મોતને ઘટ ઉતારવા પાછળનું કારણ પોલીસને જાણવા મળ્યું કે તેને અમીરોની પાર્ટીમાં ડાન્સ કરવાનો ના કહી દેતા તેને મારી નાખવામાં આવી છે. આ ઘટના પાકિસ્તાનના મર્દન શહેરમાં બની છે.

મળતી માહિતી મુજબ સુમબુલ ખાન એક પ્રાઇવેટ પાર્ટીમાં ડાન્સ માટે ઓફર કરવામાં આવી હતી પણ અભિનેત્રીએ પાર્ટીમાં ડાન્સ કરવાની ના કહી દીધી હતી.આ વાતનો બદલો લેવા માટે આરોપીઓએ તેને બળજબરીપૂર્વક ઘરેથી ઉપાડી જવાનો પ્રયાસ કર્યો અને સુંબુંલે તેનો વિરોધ કર્યો તો આરોપીઓએ તેને ગોળી મારીને મોતને ઘાટ ઉતારી હતી. સુમબુલને  એક નહીં પણ 11 ગોળી મારવામાં આવી હતી.